Atyraý qalasyndaǵy Nazarbaev Ziiatkerlik mektebiniń 12 synyp oqýshysy Baqyt Óteýlieva AQSh-taǵy bedeldi ýniversitettiń grantyn utyp aldy, dep habarlaidy QazAqparat.
Himiia-biologiia baǵytynda bilim beretin oqý ordasynyń baspasóz qyzmeti taratqan málimetke súiensek, mektep oqýshysy AQSh-tyń Niý-Iork shtatynda ornalasqan Kornell ýniversitetin tańdaǵan.
«Bul – álemdegi eń iri ári bedeldi ýniversitettiń biri. Segiz jekemenshik ýniversitetten quralǵan áigili «Shyrmaýyqtar ligasyna» kiredi. Sol sebepten, osy oqý ordasynan tamaq ónerkásibi salasynda joǵary bilim alýdy kózdedim» -deidi Baqyt Óteýlieva.
Onyń aitýynsha, joǵary oqý ornyn tańdaýda birneshe sebepke nazar aýdarǵan. Birinshisi – oqý orny usynatyn baǵdarlamalar men múmkindikter. Ekinshisi – bolashaq mamandyǵyna qatysty oqytý ádisi.
«Óitkeni, maǵan tek sapaly bilim ǵana emes, tulǵa retinde qalyptasý kerek. Sondai-aq, óz qabiletimdi jetildirip, keiin jumysqa ornalasýdyń mańyzy qor. Osy turǵydan aitqanda, Kornell ýniversiteti taǵam ónerkásibi salasyna bilikti mamandar daiyndaityn úzdik oqý oryndarynyń birinen sanalady. Bul ýniversitette stýdentterdiń óz áleýetin tolyq jetildirýge barynsha jaqsy jaǵdai jasalǵan», - deidi biyl mektep bitirgeli otyrǵan oqýshy.
Eske sala ketelik, budan buryn atyraýlyq oqýshylar Telegram-da kitaphana ashqan bolatyn.
