اتىراۋ قالاسىنداعى نازارباەۆ زيياتكەرلٸك مەكتەبٸنٸڭ 12 سىنىپ وقۋشىسى باقىت ٶتەۋليەۆا اقش-تاعى بەدەلدٸ ۋنيۆەرسيتەتتٸڭ گرانتىن ۇتىپ الدى, دەپ حابارلايدى قازاقپارات.
حيمييا-بيولوگييا باعىتىندا بٸلٸم بەرەتٸن وقۋ ورداسىنىڭ باسپاسٶز قىزمەتٸ تاراتقان مەلٸمەتكە سٷيەنسەك, مەكتەپ وقۋشىسى اقش-تىڭ نيۋ-يورك شتاتىندا ورنالاسقان كورنەلل ۋنيۆەرسيتەتٸن تاڭداعان.
«بۇل – ەلەمدەگٸ ەڭ ٸرٸ ەرٸ بەدەلدٸ ۋنيۆەرسيتەتتٸڭ بٸرٸ. سەگٸز جەكەمەنشٸك ۋنيۆەرسيتەتتەن قۇرالعان ەيگٸلٸ «شىرماۋىقتار ليگاسىنا» كٸرەدٸ. سول سەبەپتەن, وسى وقۋ ورداسىنان تاماق ٶنەركەسٸبٸ سالاسىندا جوعارى بٸلٸم الۋدى كٶزدەدٸم» -دەيدٸ باقىت ٶتەۋليەۆا.
ونىڭ ايتۋىنشا, جوعارى وقۋ ورنىن تاڭداۋدا بٸرنەشە سەبەپكە نازار اۋدارعان. بٸرٸنشٸسٸ – وقۋ ورنى ۇسىناتىن باعدارلامالار مەن مٷمكٸندٸكتەر. ەكٸنشٸسٸ – بولاشاق ماماندىعىنا قاتىستى وقىتۋ ەدٸسٸ.
«ٶيتكەنٸ, ماعان تەك ساپالى بٸلٸم عانا ەمەس, تۇلعا رەتٸندە قالىپتاسۋ كەرەك. سونداي-اق, ٶز قابٸلەتٸمدٸ جەتٸلدٸرٸپ, كەيٸن جۇمىسقا ورنالاسۋدىڭ ماڭىزى قور. وسى تۇرعىدان ايتقاندا, كورنەلل ۋنيۆەرسيتەتٸ تاعام ٶنەركەسٸبٸ سالاسىنا بٸلٸكتٸ ماماندار دايىندايتىن ٷزدٸك وقۋ ورىندارىنىڭ بٸرٸنەن سانالادى. بۇل ۋنيۆەرسيتەتتە ستۋدەنتتەردٸڭ ٶز ەلەۋەتٸن تولىق جەتٸلدٸرۋگە بارىنشا جاقسى جاعداي جاسالعان», - دەيدٸ بيىل مەكتەپ بٸتٸرگەلٸ وتىرعان وقۋشى.
ەسكە سالا كەتەلٸك, بۇدان بۇرىن اتىراۋلىق وقۋشىلار Telegram-دا كٸتاپحانا اشقان بولاتىن.
