Atyraý oblysynda bir otbasynyń jumbaq jaǵdaida joǵalyp ketýine qatysty rezonansty is boiynsha áleýmettik jelide óz boljamdaryn belsendi bólisip kelgen 32 jastaǵy er azamat Túrkiia aýmaǵynda tutqyndaldy, dep habarlaidy ult.kz Alash.kz saityna siltep.
Qazaqstan Respýblikasy Ishki ister ministrligi men Atyraý oblystyq prokýratýrasynyń habarlaýynsha, Interpol qurylymdarynyń kómegimen quryqtalǵan bul azamat buǵan deiin halyqaralyq izdeýde bolǵan. Qazirgi ýaqytta ustalǵan azamatty elge qaitarý, iaǵni ekstraditsiialaý máselesi qarastyrylyp jatyr.
Jeli qoldanýshylaryna «Atyraýlyq haker» degen búrkenshik esimmen tanylǵan ol óńirdegi otbasynyń joǵalýyna qatysty túrli nusqalardy alǵa tartyp, tipti bul oqiǵaǵa qatysy bar degen yqtimal kúdiktilerdiń de esimderin ashyq jariialaǵan bolatyn. Onyń bul áreketteri jelide úlken talqylaý týdyryp, qysqa merzimde kópshiliktiń nazaryn aýdartty.
Alaida quqyq qorǵaý organdarynyń málimdeýinshe, onyń shet elde ustalýyna bul jazbalary emes, múldem basqa zańsyzdyqtar sebep bolǵan. Kúdiktiniń ústinen birneshe ret alaiaqtyq jasaý deregi boiynsha qylmystyq is qozǵalyp, sot sheshimimen oǵan syrttai kúzetpen ustaý túrindegi bultartpaý sharasy belgilengen eken. Resmi organdar alaiaqtyqqa qatysty órbip jatqan bul qylmystyq istiń Atyraý oblysyndaǵy otbasynyń qaza bolýyn tergeý isine eshqandai qatysy joqtyǵyn naqtylap ótti.
