اتىراۋ وبلىسىندا بٸر وتباسىنىڭ جۇمباق جاعدايدا جوعالىپ كەتۋٸنە قاتىستى رەزونانستى ٸس بويىنشا ەلەۋمەتتٸك جەلٸدە ٶز بولجامدارىن بەلسەندٸ بٶلٸسٸپ كەلگەن 32 جاستاعى ەر ازامات تٷركييا اۋماعىندا تۇتقىندالدى, دەپ حابارلايدى ult.kz Alash.kz سايتىنا سٸلتەپ.
قازاقستان رەسپۋبليكاسى ٸشكٸ ٸستەر مينيسترلٸگٸ مەن اتىراۋ وبلىستىق پروكۋراتۋراسىنىڭ حابارلاۋىنشا, ينتەرپول قۇرىلىمدارىنىڭ كٶمەگٸمەن قۇرىقتالعان بۇل ازامات بۇعان دەيٸن حالىقارالىق ٸزدەۋدە بولعان. قازٸرگٸ ۋاقىتتا ۇستالعان ازاماتتى ەلگە قايتارۋ, ياعني ەكستراديتسييالاۋ مەسەلەسٸ قاراستىرىلىپ جاتىر.
جەلٸ قولدانۋشىلارىنا «اتىراۋلىق حاكەر» دەگەن بٷركەنشٸك ەسٸممەن تانىلعان ول ٶڭٸردەگٸ وتباسىنىڭ جوعالۋىنا قاتىستى تٷرلٸ نۇسقالاردى العا تارتىپ, تٸپتٸ بۇل وقيعاعا قاتىسى بار دەگەن ىقتيمال كٷدٸكتٸلەردٸڭ دە ەسٸمدەرٸن اشىق جارييالاعان بولاتىن. ونىڭ بۇل ەرەكەتتەرٸ جەلٸدە ٷلكەن تالقىلاۋ تۋدىرىپ, قىسقا مەرزٸمدە كٶپشٸلٸكتٸڭ نازارىن اۋدارتتى.
الايدا قۇقىق قورعاۋ ورگاندارىنىڭ مەلٸمدەۋٸنشە, ونىڭ شەت ەلدە ۇستالۋىنا بۇل جازبالارى ەمەس, مٷلدەم باسقا زاڭسىزدىقتار سەبەپ بولعان. كٷدٸكتٸنٸڭ ٷستٸنەن بٸرنەشە رەت الاياقتىق جاساۋ دەرەگٸ بويىنشا قىلمىستىق ٸس قوزعالىپ, سوت شەشٸمٸمەن وعان سىرتتاي كٷزەتپەن ۇستاۋ تٷرٸندەگٸ بۇلتارتپاۋ شاراسى بەلگٸلەنگەن ەكەن. رەسمي ورگاندار الاياقتىققا قاتىستى ٶربٸپ جاتقان بۇل قىلمىستىق ٸستٸڭ اتىراۋ وبلىسىنداعى وتباسىنىڭ قازا بولۋىن تەرگەۋ ٸسٸنە ەشقانداي قاتىسى جوقتىعىن ناقتىلاپ ٶتتٸ.
