Atyraýda jedel járdem kóligi mashinamen soqtyǵysyp, aýdarylyp qaldy, dep habarlaidy QazAqparat tilshisi.
«Amandosov – Satybaldiev kósheleriniń qiylysynda baǵdarshamnyń qyzyl túsine ótip ketken «Ford» markaly jedel járdem kóligi «Vaz-2114» markaly mashinamen soqtyǵysty. Soqqydan jedel járdem kóligi bir jaǵyna qarai aýdarylyp qalǵan. Jol-kólik oqiǵasynan «Toiota kamri» jáne «Lada Largýs» markaly kólikter zaqymdalǵan. Jedel járdem karetasynda bolǵan eki feldsher oblystyq aýrýhanaǵa jetkizildi. Olarǵa alǵashqy meditsinalyq kómek kórsetilip, úilerine jiberilgen. «Vaz – 2114» kóliginiń jolaýshysy da aýrýhanaǵa jetkizilgen. Jol-kólik oqiǵasynyń mán-jaiy anyqtalyp jatyr», - dep habarlady óńirlik PD baspasóz qyzmetinen.
