Atyraýda Jaiyq ózeninen aýlanǵan qortpadan 20 keliden astam qara ýyldyryq alyndy, dep habarlaidy "Ult aqparat".
Buǵan deiin «Amangeldi» óndiristik kooperativiniń balyqshylary Jaiyqtan 150 keli tartatyn qortpa balyǵyn aýlaǵan edi. Jaqynda «Jaiyq-Atyraý» bekire shabaǵyn ósirý zaýytynyń mamandary qortpadan jasandy jolmen 20,3 keli ýyldyryq aldy.
«Qara ýyldyryq inkýbatsiialaý úshin apparattarǵa salyndy. Sodan keiin basseinderde, odan ári sý toǵandarynda ósiriledi. Sóitip, ortasha salmaǵy 3-5 gramm bolatyn 600 myń dana qortpa shabaǵyn alý josparlanyp otyr. Shabaqtar jetilgen soń shilde-tamyz ailarynda tabiǵi ortaǵa, iaǵni Kaspii teńizine jiberiledi» -deidi zaýyt direktory Ǵilman Sársemaliev.
Onyń aitýynsha, biyl bekire tuqymdas baǵaly balyqtar shabaǵynyń 7 mln danasyn ósirý josparlanǵan.
