اتىراۋدا جايىق ٶزەنٸنەن اۋلانعان قورتپادان 20 كەلٸدەن استام قارا ۋىلدىرىق الىندى, دەپ حابارلايدى "ۇلت اقپارات".
بۇعان دەيٸن «امانگەلدٸ» ٶندٸرٸستٸك كووپەراتيۆٸنٸڭ بالىقشىلارى جايىقتان 150 كەلٸ تارتاتىن قورتپا بالىعىن اۋلاعان ەدٸ. جاقىندا «جايىق-اتىراۋ» بەكٸرە ششاباعىن ٶسٸرۋ زاۋىتىنىڭ ماماندارى قورتپادان جاساندى جولمەن 20,3 كەلٸ ۋىلدىرىق الدى.
«قارا ۋىلدىرىق ينكۋباتسييالاۋ ٷشٸن اپپاراتتارعا سالىندى. سودان كەيٸن باسسەيندەردە, ودان ەرٸ سۋ توعاندارىندا ٶسٸرٸلەدٸ. سٶيتٸپ, ورتاشا سالماعى 3-5 گرامم بولاتىن 600 مىڭ دانا قورتپا شاباعىن الۋ جوسپارلانىپ وتىر. شاباقتار جەتٸلگەن سوڭ شٸلدە-تامىز ايلارىندا تابيعي ورتاعا, ياعني كاسپيي تەڭٸزٸنە جٸبەرٸلەدٸ» -دەيدٸ زاۋىت ديرەكتورى عيلمان سەرسەماليەۆ.
ونىڭ ايتۋىنشا, بيىل بەكٸرە تۇقىمداس باعالى بالىقتار شاباعىنىڭ 7 ملن داناسىن ٶسٸرۋ جوسپارلانعان.
