Foto: Polisia.kz
Atyraý oblysynyń Mahambet aýdanynda ruqsatsyz jumys istegen Ózbekstan Respýblikasynyń 19 azamatynyń árqaisysyna ákimshilik aiyppul salyndy, dep habarlaidy QazAqparat.
Mahambet aýdandyq sotynda sheteldikter tarapynan ákimshilik quqyq buzýshylyqqa qatysty 19 ákimshilik is qaraldy. Ózbekstan Respýblikasynyń azamattaryna QR Ákimshilik quqyq buzýshylyq týraly Kodeksiniń 517-babynyń 5-bóligimen ákimshilik aiyp taǵylǵan.
«Sot anyqtaǵanyndai, Ózbekstan Respýblikasynyń azamattary jergilikti atqarýshy organnan eńbek qyzmetin júzege asyrýǵa ruqsat almastan Mahambet aýdanynda qurylysta, sharýa qojalyǵynda, kólik jóndeý ortalyǵynda, ashanalarda jumys istegen. Ózbekstan Respýblikasynyń 19 azamaty kináli dep tanyldy. Sot qaýlysymen sheteldikterdiń árqaisysyna 86 myń 250 teńgeden ákimshilik aiyppul salyndy», -dep habarlady Mahambet aýdandyq sotynan.
Sot qaýlylary zańdy kúshine endi.
