Atyraýdaǵy apatty jataqhanalardyń turǵyndary baspanaly bolady. Bul týraly búgin Ortalyq kommýnikatsiialar qyzmetindegi baspasóz máslihatynda Atyraý oblysynyń ákimi Nurlan Noǵaev aitty, dep habarlaidy "Ult aqparat".
«Turǵyn úi salasynda 7-20-25 baǵdarlamasy boiynsha 512 ótinim kelip tústi. 300-i maquldandy, 3 mlrd 789 mln teńgege 276-si berildi. «Baqytty otbasy» aiasynda - 51 adamǵa, kópbalaly otbasylarǵa - 96 páter berildi», - dedi oblys ákimi.
Óńir basshysynyń dereginshe, Atyraý oblysynda apatty jaǵdaida turǵan 79 úi bar. Sonyń 74-i Atyraý qalasynda ornalasqan. Onyń 12-si - jataqhana.
«Oblystyq biýdjetten bólingen qarajatqa 240 páterli 6 kópqabatty úi salynyp jatyr. Jyl sońyna deiin sonyń úsheýin paidalanýǵa berýdi josparlap otyrmyz. Iaǵni, apatty 12 jataqhananyń jeteýiniń turǵyndaryn kóshiremiz», - dedi Nurlan Noǵaev.
Aita keterligi, 2019 jyly Atyraý óńirinde 5533 páterlik 77 kópqabatty turǵyn úidiń qurylysy josparlanǵan bolatyn. Onyń ishinde 2755 páterlik 32 úi búginde paidalanýǵa berildi. Qalǵan úilerdi 2020 jyly qoldanysqa berý josparlanyp otyr.
Esterińizge sala ketsek, búgin Ortalyq kommýnikatsiialar qyzmetindegi baspasóz máslihatynda Atyraý oblysynyń ákimi Nurlan Noǵaev óńir ortalyǵynda turǵyndarǵa qolaily bolýy úshin qoǵamdyq kólikte saralanǵan tarif engizilgenin aitqan edi.
«Ótken jyldyń qazan aiynda «Tsifrly Qazaqstan» memlekettik baǵdarlamasy aiasynda Atyraýda elektrondy biletteýdiń qanatqaqty jobasy engizildi. 11 qazanda jol aqysyn tóleý júiesin elektrondy nusqaǵa aýystyrý úshin differentsiialanǵan tarif iske qosyldy. Qazir qoǵamdyq kóliktegi jol aqysyn tóleý 85 paiyz elektrondy túrde júrgiziledi dep senimmen aitýǵa bolady», - dedi oblys ákimi.
