اتىراۋداعى اپاتتى جاتاقحانالاردىڭ تۇرعىندارى باسپانالى بولادى. بۇل تۋرالى بٷگٸن ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا اتىراۋ وبلىسىنىڭ ەكٸمٸ نۇرلان نوعاەۆ ايتتى, دەپ حابارلايدى "ۇلت اقپارات".
«تۇرعىن ٷي سالاسىندا 7-20-25 باعدارلاماسى بويىنشا 512 ٶتٸنٸم كەلٸپ تٷستٸ. 300-ٸ ماقۇلداندى, 3 ملرد 789 ملن تەڭگەگە 276-سٸ بەرٸلدٸ. «باقىتتى وتباسى» اياسىندا - 51 ادامعا, كٶپبالالى وتباسىلارعا - 96 پەتەر بەرٸلدٸ», - دەدٸ وبلىس ەكٸمٸ.
ٶڭٸر باسشىسىنىڭ دەرەگٸنشە, اتىراۋ وبلىسىندا اپاتتى جاعدايدا تۇرعان 79 ٷي بار. سونىڭ 74-ٸ اتىراۋ قالاسىندا ورنالاسقان. ونىڭ 12-سٸ - جاتاقحانا.
«وبلىستىق بيۋدجەتتەن بٶلٸنگەن قاراجاتقا 240 پەتەرلٸ 6 كٶپقاباتتى ٷي سالىنىپ جاتىر. جىل سوڭىنا دەيٸن سونىڭ ٷشەۋٸن پايدالانۋعا بەرۋدٸ جوسپارلاپ وتىرمىز. ياعني, اپاتتى 12 جاتاقحانانىڭ جەتەۋٸنٸڭ تۇرعىندارىن كٶشٸرەمٸز», - دەدٸ نۇرلان نوعاەۆ.
ايتا كەتەرلٸگٸ, 2019 جىلى اتىراۋ ٶڭٸرٸندە 5533 پەتەرلٸك 77 كٶپقاباتتى تۇرعىن ٷيدٸڭ قۇرىلىسى جوسپارلانعان بولاتىن. ونىڭ ٸشٸندە 2755 پەتەرلٸك 32 ٷي بٷگٸندە پايدالانۋعا بەرٸلدٸ. قالعان ٷيلەردٸ 2020 جىلى قولدانىسقا بەرۋ جوسپارلانىپ وتىر.
ەستەرٸڭٸزگە سالا كەتسەك, بٷگٸن ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا اتىراۋ وبلىسىنىڭ ەكٸمٸ نۇرلان نوعاەۆ ٶڭٸر ورتالىعىندا تۇرعىندارعا قولايلى بولۋى ٷشٸن قوعامدىق كٶلٸكتە سارالانعان تاريف ەنگٸزٸلگەنٸن ايتقان ەدٸ.
«ٶتكەن جىلدىڭ قازان ايىندا «تسيفرلى قازاقستان» مەملەكەتتٸك باعدارلاماسى اياسىندا اتىراۋدا ەلەكتروندى بيلەتتەۋدٸڭ قاناتقاقتى جوباسى ەنگٸزٸلدٸ. 11 قازاندا جول اقىسىن تٶلەۋ جٷيەسٸن ەلەكتروندى نۇسقاعا اۋىستىرۋ ٷشٸن ديففەرەنتسييالانعان تاريف ٸسكە قوسىلدى. قازٸر قوعامدىق كٶلٸكتەگٸ جول اقىسىن تٶلەۋ 85 پايىز ەلەكتروندى تٷردە جٷرگٸزٸلەدٸ دەپ سەنٸممەن ايتۋعا بولادى», - دەدٸ وبلىس ەكٸمٸ.
