Atyraýda politsiia qyzmetkerleri áieldi óltirdi degen kúdikpen 37 jastaǵy er adamdy ustady. Buǵan deiin marqumnyń týystary qaiǵyly oqiǵa týraly aityp, qylmys turmystyq janjal kezinde bolǵanyn málimdegen edi, dep habarlaidy ult.kz.
Atyraý oblysy Politsiia departamentiniń málimetinshe, kúdikti marqummen azamattyq nekede turǵan.
«Turmystyq janjal barysynda áieldi óltirdi degen kúdikpen marqummen azamattyq nekede turǵan 37 jastaǵy er adam ustalyp, ýaqytsha ustaý izoliatoryna qamaldy. Atalǵan fakti boiynsha “Adam óltirý” baby boiynsha qylmystyq is qozǵaldy. Qazirgi ýaqytta qajetti tergeý áreketteri júrgizilýde. Tergeý múddesine bailanysty ózge aqparat jariialaýǵa jatpaidy», – dep habarlady Atyraý oblysy Politsiia departamentiniń baspasóz qyzmeti.
Marqumnyń týystarynyń aitýynsha, áiel pyshaqtan alǵan kóptegen jaraqat saldarynan kóz jumǵan. Sondai-aq olardyń sózinshe, qaiǵyly oqiǵa úsh jasar qyzynyń kóz aldynda bolǵan, al kelesi kúni úige oralǵan 16 jastaǵy qyzy anasynyń máiitin tapqan.
Qazirgi ýaqytta kúdikti qamaýda. Qylmystyq is boiynsha tergeý amaldary jalǵasýda.
