اتىراۋدا پوليتسييا قىزمەتكەرلەرٸ ەيەلدٸ ٶلتٸردٸ دەگەن كٷدٸكپەن 37 جاستاعى ەر ادامدى ۇستادى. بۇعان دەيٸن مارقۇمنىڭ تۋىستارى قايعىلى وقيعا تۋرالى ايتىپ, قىلمىس تۇرمىستىق جانجال كەزٸندە بولعانىن مەلٸمدەگەن ەدٸ, دەپ حابارلايدى ult.kz.
اتىراۋ وبلىسى پوليتسييا دەپارتامەنتٸنٸڭ مەلٸمەتٸنشە, كٷدٸكتٸ مارقۇممەن ازاماتتىق نەكەدە تۇرعان.
«تۇرمىستىق جانجال بارىسىندا ەيەلدٸ ٶلتٸردٸ دەگەن كٷدٸكپەن مارقۇممەن ازاماتتىق نەكەدە تۇرعان 37 جاستاعى ەر ادام ۇستالىپ, ۋاقىتشا ۇستاۋ يزولياتورىنا قامالدى. اتالعان فاكتٸ بويىنشا “ادام ٶلتٸرۋ” بابى بويىنشا قىلمىستىق ٸس قوزعالدى. قازٸرگٸ ۋاقىتتا قاجەتتٸ تەرگەۋ ەرەكەتتەرٸ جٷرگٸزٸلۋدە. تەرگەۋ مٷددەسٸنە بايلانىستى ٶزگە اقپارات جارييالاۋعا جاتپايدى», – دەپ حابارلادى اتىراۋ وبلىسى پوليتسييا دەپارتامەنتٸنٸڭ باسپاسٶز قىزمەتٸ.
مارقۇمنىڭ تۋىستارىنىڭ ايتۋىنشا, ەيەل پىشاقتان العان كٶپتەگەن جاراقات سالدارىنان كٶز جۇمعان. سونداي-اق ولاردىڭ سٶزٸنشە, قايعىلى وقيعا ٷش جاسار قىزىنىڭ كٶز الدىندا بولعان, ال كەلەسٸ كٷنٸ ٷيگە ورالعان 16 جاستاعى قىزى اناسىنىڭ مەيٸتٸن تاپقان.
قازٸرگٸ ۋاقىتتا كٷدٸكتٸ قاماۋدا. قىلمىستىق ٸس بويىنشا تەرگەۋ امالدارى جالعاسۋدا.
