Atyraýda 8 kúnde 833 adam vaktsina aldy, dep habarlaidy "Ult aqparat".
Oblystyq densaýlyq saqtaý basqarmasynyń baspasóz qyzmetinen málim etkendei, «Spýtnik V» vaktsinasyn saldyrǵandar qatary kóbeigen. Qazir koronavirýs infektsiiasyna qarsy ekpe arnaiy ashylǵan 24 orynda salynyp jatyr.
«Atyraý oblysynda 1-8 aqpan aralyǵynda vaktsina alǵandar 833 adamǵa jetti. Onyń ishinde 794 meditsina qyzmetkeri bar. Sondai-aq, 7 aýdannan densaýlyq salasynyń 237 qyzmetkeri erikti túrde vaktsina saldyrdy. Al oblystyq sanitariialyq -epidemiologiialyq qadaǵalaý departamentiniń 30 mamany men 9 memlekettik qyzmetker de indetke qarsy ekpe aldy. Eriktilerge vaktsina salý jalǵasyp jatyr», - dedi basqarma basshysynyń orynbasary Qaisar Abdaliev.
Onyń aitýynsha, vaktsina saldyrǵannan keiin aýrýhanaǵa túsken jaǵdai tirkelmegen. Ekpe alǵandarda janama áser baiqalmaǵan.
