اتىراۋدا 8 كٷندە 833 ادام ۆاكتسينا الدى, دەپ حابارلايدى "ۇلت اقپارات".
وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸنەن مەلٸم ەتكەندەي, «سپۋتنيك V» ۆاكتسيناسىن سالدىرعاندار قاتارى كٶبەيگەن. قازٸر كوروناۆيرۋس ينفەكتسيياسىنا قارسى ەكپە ارنايى اشىلعان 24 ورىندا سالىنىپ جاتىر.
«اتىراۋ وبلىسىندا 1-8 اقپان ارالىعىندا ۆاكتسينا العاندار 833 ادامعا جەتتٸ. ونىڭ ٸشٸندە 794 مەديتسينا قىزمەتكەرٸ بار. سونداي-اق, 7 اۋداننان دەنساۋلىق سالاسىنىڭ 237 قىزمەتكەرٸ ەرٸكتٸ تٷردە ۆاكتسينا سالدىردى. ال وبلىستىق سانيتارييالىق -ەپيدەميولوگييالىق قاداعالاۋ دەپارتامەنتٸنٸڭ 30 مامانى مەن 9 مەملەكەتتٸك قىزمەتكەر دە ٸندەتكە قارسى ەكپە الدى. ەرٸكتٸلەرگە ۆاكتسينا سالۋ جالعاسىپ جاتىر», - دەدٸ باسقارما باسشىسىنىڭ ورىنباسارى قايسار ابداليەۆ.
ونىڭ ايتۋىنشا, ۆاكتسينا سالدىرعاننان كەيٸن اۋرۋحاناعا تٷسكەن جاعداي تٸركەلمەگەن. ەكپە العانداردا جاناما ەسەر بايقالماعان.
