Atyraý qalasynda memlekettik nómiri meditsinalyq maskamen jasyrylǵan kólikti júrgizgen 16 jastaǵy jasóspirim ustaldy, dep habarlaidy "Ult aqparat".
Oblystyq politsiia departamenti baspasóz qyzmetiniń aqparatyna qaraǵanda, patrýldik politsiia qyzmetkerleri 4 qańtarda Vladimirskii-Lýgovoi kósheleriniń qiylysynda memlekettik nómiri meditsinalyq maskamen jasyrylǵan «Toiota Kamri» avtokóligin toqtatqan.
«Tekserý kezinde bul kólikti 16 jasar jasóspirim júrgizgeni anyqtaldy. Jasóspirimge qatysty QR Ákimshilik quqyq buzý kodeksiniń 590-babynyń 4-bólimimen ákimshilik hattama toltyryldy. Is qujattary sotqa joldanyp, avtokólik aiyp turaǵyna qoiyldy» dep habarlady departamenttiń baspasóz qyzmeti.
Sondai-aq, jasóspirimge atalǵan kodekstiń 612-babynyń 4-bólimimen 29 170 teńge kóleminde aiyppul salynǵan. Al, onyń ata-anasyna osy qujattyń 442-babynyń 2-bólimimen ákimshilik hattama toltyrylyp, eskertý berilgen.
