اتىراۋ قالاسىندا مەملەكەتتٸك نٶمٸرٸ مەديتسينالىق ماسكامەن جاسىرىلعان كٶلٸكتٸ جٷرگٸزگەن 16 جاستاعى جاسٶسپٸرٸم ۇستالدى, دەپ حابارلايدى "ۇلت اقپارات".
وبلىستىق پوليتسييا دەپارتامەنتٸ باسپاسٶز قىزمەتٸنٸڭ اقپاراتىنا قاراعاندا, پاترۋلدٸك پوليتسييا قىزمەتكەرلەرٸ 4 قاڭتاردا ۆلاديميرسكيي-لۋگوۆوي كٶشەلەرٸنٸڭ قيىلىسىندا مەملەكەتتٸك نٶمٸرٸ مەديتسينالىق ماسكامەن جاسىرىلعان «تويوتا كامري» اۆتوكٶلٸگٸن توقتاتقان.
«تەكسەرۋ كەزٸندە بۇل كٶلٸكتٸ 16 جاسار جاسٶسپٸرٸم جٷرگٸزگەنٸ انىقتالدى. جاسٶسپٸرٸمگە قاتىستى قر ەكٸمشٸلٸك قۇقىق بۇزۋ كودەكسٸنٸڭ 590-بابىنىڭ 4-بٶلٸمٸمەن ەكٸمشٸلٸك حاتتاما تولتىرىلدى. ٸس قۇجاتتارى سوتقا جولدانىپ, اۆتوكٶلٸك ايىپ تۇراعىنا قويىلدى» دەپ حابارلادى دەپارتامەنتتٸڭ باسپاسٶز قىزمەتٸ.
سونداي-اق, جاسٶسپٸرٸمگە اتالعان كودەكستٸڭ 612-بابىنىڭ 4-بٶلٸمٸمەن 29 170 تەڭگە كٶلەمٸندە ايىپپۇل سالىنعان. ال, ونىڭ اتا-اناسىنا وسى قۇجاتتىڭ 442-بابىنىڭ 2-بٶلٸمٸمەن ەكٸمشٸلٸك حاتتاما تولتىرىلىپ, ەسكەرتۋ بەرٸلگەن.
