Atyraý oblysynyń ekologtary biylǵy 9 aida qorshaǵan ortaǵa keltirilgen zalalǵa bailanysty 5,1 mlrd-tan astam teńge óndirdi, dep habarlaidy "Ult aqparat".
Atyraý oblystyq Ekologiia departamenti basshysynyń orynbasary - bas memlekettik ekologiialyq inspektory Syrym Tilegenovtiń málimetinshe, biylǵy 9 aida jalpy somasy 810 million 57 myń teńgege mólsherinde qorshaǵan ortaǵa keltirilgen zalaldy óteý týraly 42 nusqama berilgen.
«Onyń ishinde búginge deiin 35 nusqamaǵa sáikes 78 million 592 myń teńge memleket paidasyna óndirilip alyndy. Erikti tólem merziminiń aiaqtalýyna bailanysty «Teńizshevroil» JShS, «Atyraý Sý Arnasy» KMK jáne «AK Holding Qurylys kompaniiasy» JShS-ne qatysty 729 million 445 myń teńge somasyndaǵy zalaldy óteý týraly 5 nusqama sotqa joldandy. Bul nusqamalarǵa qatysty is sotta qaralýda», - deidi Syrym Tilegenov.
Onyń aitýynsha, 2 mln 19 myń teńgeni quraityn 2 nusqamanyń óteý merzimi áli ótpegen.
«Byltyrǵy jyly qorshaǵan ortaǵa keltirilgen zalaldy óteýge bailanysty jalpy somasy 5 milliard 91 million 44 myń teńgeni quraǵan 12 nusqama berilgen edi. Biyl atalǵan soma tolyǵymen óteldi. Osylaisha, biylǵy 9 aida memleket kirisine 5 milliard 169 million 636 myń teńge óndirildi», - deidi Syrym Tilegenov.
