Atyraý oblysynda oǵyz-qypshaq dáýirindegi balbal tas tabyldy, dep habarlaidy QazAqparat.
Balbal tas Qyzylqoǵa aýdanyndaǵy Saǵyz aýylynyń mańyndaǵy «Tasqara» qorǵanynan tabylǵan. Arheologtar balbal tasty shamamen IH-HI ǵasyrǵa tiesili degen boljam jasap otyr.
Arheologiialyq olja sanalatyn balbal tastyń biiktigi – 1 metr 20 sm, al, eni – 50 sm. Buryn Atyraý oblysynda dál mundai balbal tas tabylmaǵan.
«Balbal tasty oǵyz-qypshaq dáýirinen qalǵan dep boljaýǵa bolady. Kóne túrki ǵurpynan syr shertetin kóne jádigermen birge tabynýǵa arnalǵan quraldar tabyldy. Mundai balbaltastar IX ǵasyrdan bastap islam dini taraýyna bailanysty dalamyzdan joiyla bastady. Óitkeni islam dininde adam beinesin salýǵa ruqsat etilmeidi», - deidi tarih magistri Seiilhan Mirash.
Qyzylqoǵa aýdanynda kóne qorǵandar kóp. Buryn bul aýdannyń aýmaǵynda bizdiń zamanymyzǵa deiingi II ǵasyr men bizdiń zamanymyzdyń HI ǵasyry aralyǵyn qamtityn Miialy qorǵany bar. Bul qorǵandy 2017 jyly oblystyq tarihi-ólketaný mýzeii anyqtaǵan edi. Qorǵannyń joǵarǵy qabaty H-HI ǵasyrlardan, tómengi qabaty bizdiń zamanymyzǵa deiingi II ǵasyrdaǵy temir dáýirinen syr shertedi.
Al, 2020 jyly osyndaǵy úsh qorǵanda júrgizilgen qazba jumystary kezinde 560 túrli jádiger tabyldy. Onyń ishinde altyn men kúmisten soǵylǵan áshekei buiymdar men at ábzelderi, qoladan soǵylǵan qarý-jaraqtyń, keramikalyq qumyralar men qaishy da bar. Qabirdiń birine jerlengen adam qańqasynyń jambasynda qadalyp turǵan jebe synyǵy bolǵan.
«Bul jerlegen adamnyń soǵysta qaza tapqanynyń belgisi bolýy múmkin. Ony ǵun nemese oǵyz taipasynyń ókili dep topshylap otyrmyz. Sebebi, qorǵannan tabylǵan mola sol kúii saqtalǵan», - dep edi sol kezde mýzei direktory Rashida Haripova.
