اتىراۋ وبلىسىندا وعىز-قىپشاق دەۋٸرٸندەگٸ بالبال تاس تابىلدى, دەپ حابارلايدى قازاقپارات.
بالبال تاس قىزىلقوعا اۋدانىنداعى ساعىز اۋىلىنىڭ ماڭىنداعى «تاسقارا» قورعانىنان تابىلعان. ارحەولوگتار بالبال تاستى شامامەن ٸح-حٸ عاسىرعا تيەسٸلٸ دەگەن بولجام جاساپ وتىر.
ارحەولوگييالىق ولجا سانالاتىن بالبال تاستىڭ بيٸكتٸگٸ – 1 مەتر 20 سم, ال, ەنٸ – 50 سم. بۇرىن اتىراۋ وبلىسىندا دەل مۇنداي بالبال تاس تابىلماعان.
«بالبال تاستى وعىز-قىپشاق دەۋٸرٸنەن قالعان دەپ بولجاۋعا بولادى. كٶنە تٷركٸ عۇرپىنان سىر شەرتەتٸن كٶنە جەدٸگەرمەن بٸرگە تابىنۋعا ارنالعان قۇرالدار تابىلدى. مۇنداي بالبالتاستار IX عاسىردان باستاپ يسلام دٸنٸ تاراۋىنا بايلانىستى دالامىزدان جويىلا باستادى. ٶيتكەنٸ يسلام دٸنٸندە ادام بەينەسٸن سالۋعا رۇقسات ەتٸلمەيدٸ», - دەيدٸ تاريح ماگيسترٸ سەيٸلحان ميراش.
قىزىلقوعا اۋدانىندا كٶنە قورعاندار كٶپ. بۇرىن بۇل اۋداننىڭ اۋماعىندا بٸزدٸڭ زامانىمىزعا دەيٸنگٸ ٸٸ عاسىر مەن بٸزدٸڭ زامانىمىزدىڭ حٸ عاسىرى ارالىعىن قامتيتىن مييالى قورعانى بار. بۇل قورعاندى 2017 جىلى وبلىستىق تاريحي-ٶلكەتانۋ مۋزەيٸ انىقتاعان ەدٸ. قورعاننىڭ جوعارعى قاباتى ح-حٸ عاسىرلاردان, تٶمەنگٸ قاباتى بٸزدٸڭ زامانىمىزعا دەيٸنگٸ ٸٸ عاسىرداعى تەمٸر دەۋٸرٸنەن سىر شەرتەدٸ.
ال, 2020 جىلى وسىنداعى ٷش قورعاندا جٷرگٸزٸلگەن قازبا جۇمىستارى كەزٸندە 560 تٷرلٸ جەدٸگەر تابىلدى. ونىڭ ٸشٸندە التىن مەن كٷمٸستەن سوعىلعان ەشەكەي بۇيىمدار مەن ات ەبزەلدەرٸ, قولادان سوعىلعان قارۋ-جاراقتىڭ, كەراميكالىق قۇمىرالار مەن قايشى دا بار. قابٸردٸڭ بٸرٸنە جەرلەنگەن ادام قاڭقاسىنىڭ جامباسىندا قادالىپ تۇرعان جەبە سىنىعى بولعان.
«بۇل جەرلەگەن ادامنىڭ سوعىستا قازا تاپقانىنىڭ بەلگٸسٸ بولۋى مٷمكٸن. ونى عۇن نەمەسە وعىز تايپاسىنىڭ ٶكٸلٸ دەپ توپشىلاپ وتىرمىز. سەبەبٸ, قورعاننان تابىلعان مولا سول كٷيٸ ساقتالعان», - دەپ ەدٸ سول كەزدە مۋزەي ديرەكتورى راشيدا حاريپوۆا.
