Atyraý oblysyndaǵy Eskene kentiniń mańynda boi kóteretin gaz óńdeý zaýytynyń qurylysyna 1 mlrd 250 mln dollar investitsiia salynady, dep habarlaidy "Ult aqparat".
Bul týraly turǵyndar aldynda onlain-rejimde esep bergen Maqat aýdanynyń ákimi Shákir Keikin málim etti.
«Eskene kentine taiaý jerde jylyna 1 mlrd tekshe metr gazdy keshendi daiyndaý zaýytynyń qurylysyn júrgizý josparlanyp otyr. Jobanyń quny 1 mlrd 250 mln dollardy quraidy. Kaspii teńizindegi «Qashaǵan» ken ornynyń gazyn óńdeitin nysannyń qurylysyn «GPC Investment» JShS júrgizedi. Zaýyt qurylysy biyl bastalyp, 2023 jyly aiaqtalady. Qurylysty júrgizý kezinde 3000-ǵa jýyq adam jumyspen qamtylady. Al, zaýyt paidalanýǵa berilgen soń 450 adam turaqty jumysqa ornalasady», - dedi Maqat aýdanynyń ákimi Shákir Keikin.
