اتىراۋ وبلىسىنداعى ەسكەنە كەنتٸنٸڭ ماڭىندا بوي كٶتەرەتٸن گاز ٶڭدەۋ زاۋىتىنىڭ قۇرىلىسىنا 1 ملرد 250 ملن دوللار ينۆەستيتسييا سالىنادى, دەپ حابارلايدى "ۇلت اقپارات".
بۇل تۋرالى تۇرعىندار الدىندا ونلاين-رەجيمدە ەسەپ بەرگەن ماقات اۋدانىنىڭ ەكٸمٸ شەكٸر كەيكين مەلٸم ەتتٸ.
«ەسكەنە كەنتٸنە تاياۋ جەردە جىلىنا 1 ملرد تەكشە مەتر گازدى كەشەندٸ دايىنداۋ زاۋىتىنىڭ قۇرىلىسىن جٷرگٸزۋ جوسپارلانىپ وتىر. جوبانىڭ قۇنى 1 ملرد 250 ملن دوللاردى قۇرايدى. كاسپيي تەڭٸزٸندەگٸ «قاشاعان» كەن ورنىنىڭ گازىن ٶڭدەيتٸن نىساننىڭ قۇرىلىسىن «GPC Investment» جشس جٷرگٸزەدٸ. زاۋىت قۇرىلىسى بيىل باستالىپ, 2023 جىلى اياقتالادى. قۇرىلىستى جٷرگٸزۋ كەزٸندە 3000-عا جۋىق ادام جۇمىسپەن قامتىلادى. ال, زاۋىت پايدالانۋعا بەرٸلگەن سوڭ 450 ادام تۇراقتى جۇمىسقا ورنالاسادى», - دەدٸ ماقات اۋدانىنىڭ ەكٸمٸ شەكٸر كەيكين.
