Foto: depositphotos.com
Atyraý oblysy Qyzylqoǵa aýdany Miialy aýylynda er adam balasyn renjitken jigittiń qulaǵyn kesip aldy, dep habarlaidy Ult.kz Sputnik Qazaqstanǵa silteme jasap.
Oqiǵa 2 qańtar kúni bolǵan. Politsiia "Densaýlyqqa qasaqana ortasha aýyrlyqtaǵy ziian keltirý" baby boiynsha qylmystyq is qozǵady.
"49 jastaǵy kúdikti óziniń 25 jastaǵy uly men 24 jastaǵy jigittiń arasyndaǵy kelispeýshilikke aralasqan. Sol kezde abaisyzda ashana pyshaǵymen jábirlenýshiniń sol jaq qulaǵyna dene jaraqatyn salǵan", - deidi Atyraý oblystyq politsiia departamenti.
Kúdiktiniń aitýynsha, ol qulaqty kesýge oqtalmaǵan, qorqytamyn dep oilaǵan. Qazirgi tańda oqiǵanyń barlyq mán-jaiyn anyqtaý úshin keshendi tergeý amaldary júrgizilip jatyr.
Kúdikti jábirlenýshiniń qulaǵyn túbimen kesip tastaǵan. Biraq dabyl jarǵaǵy aman deidi dárigerler.
"Naýqas dostarynyń kómegimen ózdiginen meditsinalyq mekemege kelgen. Dárigerler shuǵyl meditsinalyq kómek kórsetip, qan ketýdi toqtatqan. Naýqasqa tiisti em taǵaiyndaldy, hirýrgiialyq brigada jarany óńdep, qan toqtatyldy", - deidi oblystyq densaýlyq saqtaý basqarmasy.
Naýqastyń týystaryna jaǵdai túsindirildi. Keiin naýqas ári qarai mamandandyrylǵan kómek alý úshin oblystyq aýrýhanaǵa joldandy.
Qazirgi ýaqytta naýqastyń jaǵdaiy turaqty, ol dárigerlerdiń baqylaýynda, em qabyldap jatyr.
