فوتو: depositphotos.com
اتىراۋ وبلىسى قىزىلقوعا اۋدانى مييالى اۋىلىندا ەر ادام بالاسىن رەنجٸتكەن جٸگٸتتٸڭ قۇلاعىن كەسٸپ الدى, دەپ حابارلايدى Ult.kz Sputnik قازاقستانعا سٸلتەمە جاساپ.
وقيعا 2 قاڭتار كٷنٸ بولعان. پوليتسييا "دەنساۋلىققا قاساقانا ورتاشا اۋىرلىقتاعى زييان كەلتٸرۋ" بابى بويىنشا قىلمىستىق ٸس قوزعادى.
"49 جاستاعى كٷدٸكتٸ ٶزٸنٸڭ 25 جاستاعى ۇلى مەن 24 جاستاعى جٸگٸتتٸڭ اراسىنداعى كەلٸسپەۋشٸلٸككە ارالاسقان. سول كەزدە ابايسىزدا اسحانا پىشاعىمەن جەبٸرلەنۋشٸنٸڭ سول جاق قۇلاعىنا دەنە جاراقاتىن سالعان", - دەيدٸ اتىراۋ وبلىستىق پوليتسييا دەپارتامەنتٸ.
كٷدٸكتٸنٸڭ ايتۋىنشا, ول قۇلاقتى كەسۋگە وقتالماعان, قورقىتامىن دەپ ويلاعان. قازٸرگٸ تاڭدا وقيعانىڭ بارلىق مەن-جايىن انىقتاۋ ٷشٸن كەشەندٸ تەرگەۋ امالدارى جٷرگٸزٸلٸپ جاتىر.
كٷدٸكتٸ جەبٸرلەنۋشٸنٸڭ قۇلاعىن تٷبٸمەن كەسٸپ تاستاعان. بٸراق دابىل جارعاعى امان دەيدٸ دەرٸگەرلەر.
"ناۋقاس دوستارىنىڭ كٶمەگٸمەن ٶزدٸگٸنەن مەديتسينالىق مەكەمەگە كەلگەن. دەرٸگەرلەر شۇعىل مەديتسينالىق كٶمەك كٶرسەتٸپ, قان كەتۋدٸ توقتاتقان. ناۋقاسقا تيٸستٸ ەم تاعايىندالدى, حيرۋرگييالىق بريگادا جارانى ٶڭدەپ, قان توقتاتىلدى", - دەيدٸ وبلىستىق دەنساۋلىق ساقتاۋ باسقارماسى.
ناۋقاستىڭ تۋىستارىنا جاعداي تٷسٸندٸرٸلدٸ. كەيٸن ناۋقاس ەرٸ قاراي مامانداندىرىلعان كٶمەك الۋ ٷشٸن وبلىستىق اۋرۋحاناعا جولداندى.
قازٸرگٸ ۋاقىتتا ناۋقاستىڭ جاعدايى تۇراقتى, ول دەرٸگەرلەردٸڭ باقىلاۋىندا, ەم قابىلداپ جاتىر.
