Atyraý oblysynda er adam óriske mal aidap shyǵyp, joǵalyp ketken, dep habarlaidy QazAqparat.
Oblystyq Politsiia departamenti baspasóz qyzmetiniń málimetinshe, Qyzylqoǵa aýdanynda 10 naýryzda saǵat 9:00 shamasynda 62 jastaǵy er adam joǵalǵan.
«Sol kúni «Esen» sharýa qojalyǵynyń malshysy óriske iri qara aidap shyqqan. Keiin ol habar-osharsyz ketken. Buǵan sol kúni atalǵan aýdanda qalyń qar jaýyp, ekpini qatty jeldiń soǵýy sebep bolǵan. Bul týraly atalǵan sharýa qojalyǵynan Muqyr aýyldyq okrýgindegi ýchaskelik politsiia inspektoryna habar túsken. Osyǵan bailanysty ýchaskelik politsiia inspektorlary aýdandyq tótenshe jaǵdailar bóliminiń qyzmetkerlerimen birge «Qainarmunaigaz» basqarmasynyń kómegimen joǵalǵan er adamdy izdeýge kiristi», - dep málim etti departamenttiń baspasóz qyzmetinen.
Izdeý jumystarynyń nátijesinde 11 naýryzda tańǵy saǵat 03:30 shamasynda joǵalǵan er adam sharýa qojalyǵy ornalasqan ýchaskeden 15 shaqyrym qashyqtyqtaǵy Saǵyz ózeniniń jaǵasynan aman-esen tabyldy.
