اتىراۋ وبلىسىندا ەر ادام ٶرٸسكە مال ايداپ شىعىپ, جوعالىپ كەتكەن, دەپ حابارلايدى قازاقپارات.
وبلىستىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, قىزىلقوعا اۋدانىندا 10 ناۋرىزدا ساعات 9:00 شاماسىندا 62 جاستاعى ەر ادام جوعالعان.
«سول كٷنٸ «ەسەن» شارۋا قوجالىعىنىڭ مالشىسى ٶرٸسكە ٸرٸ قارا ايداپ شىققان. كەيٸن ول حابار-وشارسىز كەتكەن. بۇعان سول كٷنٸ اتالعان اۋداندا قالىڭ قار جاۋىپ, ەكپٸنٸ قاتتى جەلدٸڭ سوعۋى سەبەپ بولعان. بۇل تۋرالى اتالعان شارۋا قوجالىعىنان مۇقىر اۋىلدىق وكرۋگٸندەگٸ ۋچاسكەلٸك پوليتسييا ينسپەكتورىنا حابار تٷسكەن. وسىعان بايلانىستى ۋچاسكەلٸك پوليتسييا ينسپەكتورلارى اۋداندىق تٶتەنشە جاعدايلار بٶلٸمٸنٸڭ قىزمەتكەرلەرٸمەن بٸرگە «قاينارمۇنايگاز» باسقارماسىنىڭ كٶمەگٸمەن جوعالعان ەر ادامدى ٸزدەۋگە كٸرٸستٸ», - دەپ مەلٸم ەتتٸ دەپارتامەنتتٸڭ باسپاسٶز قىزمەتٸنەن.
ٸزدەۋ جۇمىستارىنىڭ نەتيجەسٸندە 11 ناۋرىزدا تاڭعى ساعات 03:30 شاماسىندا جوعالعان ەر ادام شارۋا قوجالىعى ورنالاسقان ۋچاسكەدەن 15 شاقىرىم قاشىقتىقتاعى ساعىز ٶزەنٸنٸڭ جاعاسىنان امان-ەسەن تابىلدى.
