Atyraý oblysyndaǵy Mahambet aýdany ákimdiginiń bas esepshisi úsh jyl boiy eńbekaqysyn óz betimen rettep otyrǵan, dep habarlaidy "Ult aqparat".
«Sottyń isti qaraýy nátijesinde Mahambet aýdandyq ákimdiginiń bas býhgalteri 2013 jyldan bastap 2015 jylǵa deiingi aralyqta óziniń eńbekaqysyn shtattyq kesteden tys esepteý arqyly 336 myń teńge kólemindegi qarajatty iemdengen. Nátijesinde esepshi «Bógdeniń senip tapsyrylǵan múlkin iemdený nemese jumsap qoiý», sondai-aq «Qyzmet babynda jalǵan qujat jasaý» baptary boiynsha jaýapkershilikke tartyldy», - dep habarlaidy Atyraý oblystyq sotynyń baspasóz qyzmeti.
Sot zalynda esepshi óz kinásin moiyndap, tergeýmen jumys istesýge kelisim berdi. Oǵan úsh jyl shartty túrde bas bostandyǵynan aiyrý jáne bes jyl kóleminde memlekettik qyzmette esepshi qyzmetin atqarý quqyǵynan aiyrý jazasy taǵaiyndaldy.
