اتىراۋ وبلىسىنداعى ماحامبەت اۋدانى ەكٸمدٸگٸنٸڭ باس ەسەپشٸسٸ ٷش جىل بويى ەڭبەكاقىسىن ٶز بەتٸمەن رەتتەپ وتىرعان, دەپ حابارلايدى "ۇلت اقپارات".
«سوتتىڭ ٸستٸ قاراۋى نەتيجەسٸندە ماحامبەت اۋداندىق ەكٸمدٸگٸنٸڭ باس بۋحگالتەرٸ 2013 جىلدان باستاپ 2015 جىلعا دەيٸنگٸ ارالىقتا ٶزٸنٸڭ ەڭبەكاقىسىن شتاتتىق كەستەدەن تىس ەسەپتەۋ ارقىلى 336 مىڭ تەڭگە كٶلەمٸندەگٸ قاراجاتتى يەمدەنگەن. نەتيجەسٸندە ەسەپشٸ «بٶگدەنٸڭ سەنٸپ تاپسىرىلعان مٷلكٸن يەمدەنۋ نەمەسە جۇمساپ قويۋ», سونداي-اق «قىزمەت بابىندا جالعان قۇجات جاساۋ» باپتارى بويىنشا جاۋاپكەرشٸلٸككە تارتىلدى», - دەپ حابارلايدى اتىراۋ وبلىستىق سوتىنىڭ باسپاسٶز قىزمەتٸ.
سوت زالىندا ەسەپشٸ ٶز كٸنەسٸن مويىنداپ, تەرگەۋمەن جۇمىس ٸستەسۋگە كەلٸسٸم بەردٸ. وعان ٷش جىل شارتتى تٷردە باس بوستاندىعىنان ايىرۋ جەنە بەس جىل كٶلەمٸندە مەملەكەتتٸك قىزمەتتە ەسەپشٸ قىزمەتٸن اتقارۋ قۇقىعىنان ايىرۋ جازاسى تاعايىندالدى.
