Jaiyq ózenine sýdyń kelýine bailanysty Atyraý oblysy airyqsha baqylaýda, monitoring jalǵasýda dep málimdedi QR TJM ókili Asqar Shárip Astanada ótken brifingte.
"Atyraý qalasynda Jaiyq ózeni boiynda bógetterdi nyǵaitý jumystary úzdiksiz júrgizilip jatyr. Dronnyń kómegimen sý tasqyny jaǵdaiyna monitoring júzege asyrylýda. Atyraý oblysyna berilgen kúshter men quraldar sý tasqynyna qarsy jumystardy jalǵastyrýda. Buǵan deiin bronnan shyǵarylǵan jyljymaly sorǵy stantsiialary sý basqan aýmaqtardan sý sorý jumystaryna jumyldyryldy.Soltústik Qazaqstan, Atyraý jáne Aqtóbe oblystarynda 6 379 turǵyn úi men 2 794 aýla aýmaǵynan sýdyń baǵyty burylyp, sý soryldy. Respýblika boiynsha 37 324 adam óz úilerine oraldy. 6 817 adam evakýatsiialaý pýnktterinde. Avariialyq-qutqarý jáne sý tasqynyna qarsy jumystarǵa 21 myńnan astam adam, 2 myńnan astam túrli tehnika, 615 sý sorý jáne júzý quraly, 8 áýe kemesi jumyldyryldy. Sý tasqyny bastaǵaly beri 12,6 mln astam tekshe metr erigen qar sýy soryp shyǵaryldy, 6,6 mln astam qapshyq jáne 1,5 mln astam tonna inertti material tóseldi. Óńirlerde respýblikalyq jáne oblystyq jedel shtabtar óz jumys jalǵastyrýda", -dep habarlaidy A. Shárip.
Sondai-aq, TJM ókiliniń sózinshe jalpy azamattyq qorǵaý qyzmetterimen Atyraý, Aqtóbe, Aqmola, Batys jáne Soltústik Qazaqstan oblystarynda sý tasqynyna qarsy is-sharalar, sý tasqyny saldaryn joiý jáne halyqqa kómek kórsetý boiynsha jumystar jalǵasýda.
