جايىق ٶزەنٸنە سۋدىڭ كەلۋٸنە بايلانىستى اتىراۋ وبلىسى ايرىقشا باقىلاۋدا, مونيتورينگ جالعاسۋدا دەپ مەلٸمدەدٸ قر تجم ٶكٸلٸ اسقار شەرٸپ استانادا ٶتكەن بريفينگتە.
"اتىراۋ قالاسىندا جايىق ٶزەنٸ بويىندا بٶگەتتەردٸ نىعايتۋ جۇمىستارى ٷزدٸكسٸز جٷرگٸزٸلٸپ جاتىر. دروننىڭ كٶمەگٸمەن سۋ تاسقىنى جاعدايىنا مونيتورينگ جٷزەگە اسىرىلۋدا. اتىراۋ وبلىسىنا بەرٸلگەن كٷشتەر مەن قۇرالدار سۋ تاسقىنىنا قارسى جۇمىستاردى جالعاستىرۋدا. بۇعان دەيٸن بروننان شىعارىلعان جىلجىمالى سورعى ستانتسييالارى سۋ باسقان اۋماقتاردان سۋ سورۋ جۇمىستارىنا جۇمىلدىرىلدى.سولتٷستٸك قازاقستان, اتىراۋ جەنە اقتٶبە وبلىستارىندا 6 379 تۇرعىن ٷي مەن 2 794 اۋلا اۋماعىنان سۋدىڭ باعىتى بۇرىلىپ, سۋ سورىلدى. رەسپۋبليكا بويىنشا 37 324 ادام ٶز ٷيلەرٸنە ورالدى. 6 817 ادام ەۆاكۋاتسييالاۋ پۋنكتتەرٸندە. اۆارييالىق-قۇتقارۋ جەنە سۋ تاسقىنىنا قارسى جۇمىستارعا 21 مىڭنان استام ادام, 2 مىڭنان استام تٷرلٸ تەحنيكا, 615 سۋ سورۋ جەنە جٷزۋ قۇرالى, 8 ەۋە كەمەسٸ جۇمىلدىرىلدى. سۋ تاسقىنى باستاعالى بەرٸ 12,6 ملن استام تەكشە مەتر ەرٸگەن قار سۋى سورىپ شىعارىلدى, 6,6 ملن استام قاپشىق جەنە 1,5 ملن استام توننا ينەرتتٸ ماتەريال تٶسەلدٸ. ٶڭٸرلەردە رەسپۋبليكالىق جەنە وبلىستىق جەدەل شتابتار ٶز جۇمىس جالعاستىرۋدا", -دەپ حابارلايدى ا. شەرٸپ.
سونداي-اق, تجم ٶكٸلٸنٸڭ سٶزٸنشە جالپى ازاماتتىق قورعاۋ قىزمەتتەرٸمەن اتىراۋ, اقتٶبە, اقمولا, باتىس جەنە سولتٷستٸك قازاقستان وبلىستارىندا سۋ تاسقىنىنا قارسى ٸس-شارالار, سۋ تاسقىنى سالدارىن جويۋ جەنە حالىققا كٶمەك كٶرسەتۋ بويىنشا جۇمىستار جالعاسۋدا.
