«Atameken» ulttyq kásipkerler palatasy basqarma tóraǵasynyń orynbasary Iýliia Iakýpbaeva BAQ ókilderiniń áýejailar men vokzaldarda týyndap jatqan kezek keptelisteri saýalyna jaýap berdi, dep habarlaidy QazAqparat.
«Koronavirýs infektsiiasynyń taralýyn boldyrmaý jónindegi vedomstvoaralyq komissiianyń protsesterdi úilestirý isinde kómek kórsetý týraly tapsyrmasyna sáikes, atalǵan oryndarda adam shoǵyryn boldyrmaýǵa tyrysyp jatyrmyz. Áleýmettik jelidegi elorda áýejaiynyń kire berisinde adamdardyń shoǵyrlaǵany beinelengen sýret tarady. Sol týraly da pikir bildirgim keledi. Shyn máninde aýa raiynyń qolaisyzdyǵyna bailanysty jolaýshylardy shyǵaryp salýshylar men qarsy alýshylar ǵimaratqa jiberilmegen bolatyn. Qazir bul másele sheshildi», - dedi «Atameken» ókili.
Kásipkerler palatasy ókili QR Kóliktegi bas sanitar dárigeriniń qaýlysymen Ashyq jobasyna qatysýshy áýejailar men temirjol vokzaldaryna shyǵaryp salýshylar men kútip alýshylardyń kirýine ruqsat berilgenin eske saldy.
«Búginde eshqandai adam shoǵyry joq. Buǵan qosa qaýipsizdik jaǵynan keler bolsaq, úlken jumys kútip tur. Óitkeni osy birneshe kúnniń ishinde qyzyl tústi mártebesi bar 8, sary tústi mártebesi bar 9 adam anyqtaldy. Sonda 15 infektsiia juqtyrǵan azamat kelgen bolyp otyr. Olardyń keibiri dál osyndai tekserý júrgizilmegen áýejailardan bizge kelip, saparyn jalǵastyrmaq bolǵan. Qazir Nursultan Nazarbev halyqaralyq áýejaiymen turaqty bailanystamyz. Eshqandai kezek keptelisi baiqalyp otyrǵan joq», - dedi Iýliia Iakýpbaeva.
