«اتامەكەن» ۇلتتىق كەسٸپكەرلەر پالاتاسى باسقارما تٶراعاسىنىڭ ورىنباسارى يۋلييا ياكۋپباەۆا باق ٶكٸلدەرٸنٸڭ ەۋەجايلار مەن ۆوكزالداردا تۋىنداپ جاتقان كەزەك كەپتەلٸستەرٸ ساۋالىنا جاۋاپ بەردٸ, دەپ حابارلايدى قازاقپارات.
«كوروناۆيرۋس ينفەكتسيياسىنىڭ تارالۋىن بولدىرماۋ جٶنٸندەگٸ ۆەدومستۆوارالىق كوميسسييانىڭ پروتسەستەردٸ ٷيلەستٸرۋ ٸسٸندە كٶمەك كٶرسەتۋ تۋرالى تاپسىرماسىنا سەيكەس, اتالعان ورىنداردا ادام شوعىرىن بولدىرماۋعا تىرىسىپ جاتىرمىز. ەلەۋمەتتٸك جەلٸدەگٸ ەلوردا ەۋەجايىنىڭ كٸرە بەرٸسٸندە ادامداردىڭ شوعىرلاعانى بەينەلەنگەن سۋرەت تارادى. سول تۋرالى دا پٸكٸر بٸلدٸرگٸم كەلەدٸ. شىن مەنٸندە اۋا رايىنىڭ قولايسىزدىعىنا بايلانىستى جولاۋشىلاردى شىعارىپ سالۋشىلار مەن قارسى الۋشىلار عيماراتقا جٸبەرٸلمەگەن بولاتىن. قازٸر بۇل مەسەلە شەشٸلدٸ», - دەدٸ «اتامەكەن» ٶكٸلٸ.
كەسٸپكەرلەر پالاتاسى ٶكٸلٸ قر كٶلٸكتەگٸ باس سانيتار دەرٸگەرٸنٸڭ قاۋلىسىمەن Ashyq جوباسىنا قاتىسۋشى ەۋەجايلار مەن تەمٸرجول ۆوكزالدارىنا شىعارىپ سالۋشىلار مەن كٷتٸپ الۋشىلاردىڭ كٸرۋٸنە رۇقسات بەرٸلگەنٸن ەسكە سالدى.
«بٷگٸندە ەشقانداي ادام شوعىرى جوق. بۇعان قوسا قاۋٸپسٸزدٸك جاعىنان كەلەر بولساق, ٷلكەن جۇمىس كٷتٸپ تۇر. ٶيتكەنٸ وسى بٸرنەشە كٷننٸڭ ٸشٸندە قىزىل تٷستٸ مەرتەبەسٸ بار 8, سارى تٷستٸ مەرتەبەسٸ بار 9 ادام انىقتالدى. سوندا 15 ينفەكتسييا جۇقتىرعان ازامات كەلگەن بولىپ وتىر. ولاردىڭ كەيبٸرٸ دەل وسىنداي تەكسەرۋ جٷرگٸزٸلمەگەن ەۋەجايلاردان بٸزگە كەلٸپ, ساپارىن جالعاستىرماق بولعان. قازٸر نۇرسۇلتان نازاربەۆ حالىقارالىق ەۋەجايىمەن تۇراقتى بايلانىستامىز. ەشقانداي كەزەك كەپتەلٸسٸ بايقالىپ وتىرعان جوق», - دەدٸ يۋلييا ياكۋپباەۆا.
