Foto: "Atameken" palatasy baspasóz qyzmeti
«Atameken» ulttyq kásipkerler palatasynyń tóralqa tóraǵasy Raiymbek Batalov qazaqstandyq kompaniialardyń sanktsiiaǵa túsý qaýpi týraly pikir bildirdi, dep habarlaidy Kazinform.
«Qazaqstanda jumys istep jatqan kompaniialardyń basym bóligi tehnologiia transfertteý jáne eksporttaý baǵytynda jumys isteýge daiyn dep esepteimiz. Bul jerde baqylaý júiesiniń aiqyn bolǵany mańyzdy. Ókinishke qarai, keibir mysaldar bar. Aǵash untaǵynan jelimdeletin taqtai túrlerine bailanysty, basqa da óndirispen bailanysty mysaldar. Solar sanktsiia talaptaryn buzsa kerek. Biraq bul máseleniń úsh jaǵy bar. Onyń ishine memleket tarapynan jasalatyn baqylaý da jatady. Sanktsiia talaptaryn buzǵany týraly qorytyndy jasaýǵa negiz bolatyn erejeler de mańyzdy. Sondyqtan bizge baqylaý jumysyn qatańdatý, biznes pen óndiristiń úlken bóligin osynda shoǵyrlandyrý boiynsha jumys isteý kerek. Sonda bizge qarsy eshqandai ýáj aitylmas edi. Árine, import operatsiialary bar. Qytaidan alyp, kórshi elderge, sonyń ishinde Resei Federatsiiasyna da eksporttalýy múmkin. Biraq bul jerde máseleniń eki ushy bar. Baqylaý jáne biznespen jumys», - dedi Raiymbek Batalov «Qazaqstandyq quram 2.0» halyqaralyq forýmynda BAQ ókilderine bergen suhbatynda.
«Atameken» basshysy otandyq biznes sanktsiia túspeý úshin túrli formattaǵy kezdesýler ótkizip, túsindirý jumystary júrgizilip jatqanyn atap ótti. Onyń paiymynsha, keibir kompaniialar aqparattyń joqtyǵynan da sanktsiia qaterine ushyraýy múmkin.
«Sanktsiiaǵa kóbine qyrǵyz kompaniialary tap boldy. Bizdikiler de bar, biraq az. Sanktsiia qaýpi bar, ony joqqa shyǵarmaimyz, ondai bolady. Ulttyq palata bir jaǵynan, Úkimet ekinshi jaǵynan osy baǵytta jumys istep jatyrmyz. Ondai qaterdi joiýymyz kerek. Bul turǵyda elshiliktermen de belsendi jumys istep jatyrmyz», - dedi ulttyq palata basshysy.
