فوتو: "اتامەكەن" پالاتاسى باسپاسٶز قىزمەتٸ
«اتامەكەن» ۇلتتىق كەسٸپكەرلەر پالاتاسىنىڭ تٶرالقا تٶراعاسى رايىمبەك باتالوۆ قازاقستاندىق كومپانييالاردىڭ سانكتسيياعا تٷسۋ قاۋپٸ تۋرالى پٸكٸر بٸلدٸردٸ, دەپ حابارلايدى Kazinform.
«قازاقستاندا جۇمىس ٸستەپ جاتقان كومپانييالاردىڭ باسىم بٶلٸگٸ تەحنولوگييا ترانسفەرتتەۋ جەنە ەكسپورتتاۋ باعىتىندا جۇمىس ٸستەۋگە دايىن دەپ ەسەپتەيمٸز. بۇل جەردە باقىلاۋ جٷيەسٸنٸڭ ايقىن بولعانى ماڭىزدى. ٶكٸنٸشكە قاراي, كەيبٸر مىسالدار بار. اعاش ۇنتاعىنان جەلٸمدەلەتٸن تاقتاي تٷرلەرٸنە بايلانىستى, باسقا دا ٶندٸرٸسپەن بايلانىستى مىسالدار. سولار سانكتسييا تالاپتارىن بۇزسا كەرەك. بٸراق بۇل مەسەلەنٸڭ ٷش جاعى بار. ونىڭ ٸشٸنە مەملەكەت تاراپىنان جاسالاتىن باقىلاۋ دا جاتادى. سانكتسييا تالاپتارىن بۇزعانى تۋرالى قورىتىندى جاساۋعا نەگٸز بولاتىن ەرەجەلەر دە ماڭىزدى. سوندىقتان بٸزگە باقىلاۋ جۇمىسىن قاتاڭداتۋ, بيزنەس پەن ٶندٸرٸستٸڭ ٷلكەن بٶلٸگٸن وسىندا شوعىرلاندىرۋ بويىنشا جۇمىس ٸستەۋ كەرەك. سوندا بٸزگە قارسى ەشقانداي ۋەج ايتىلماس ەدٸ. ەرينە, يمپورت وپەراتسييالارى بار. قىتايدان الىپ, كٶرشٸ ەلدەرگە, سونىڭ ٸشٸندە رەسەي فەدەراتسيياسىنا دا ەكسپورتتالۋى مٷمكٸن. بٸراق بۇل جەردە مەسەلەنٸڭ ەكٸ ۇشى بار. باقىلاۋ جەنە بيزنەسپەن جۇمىس», - دەدٸ رايىمبەك باتالوۆ «قازاقستاندىق قۇرام 2.0» حالىقارالىق فورۋمىندا باق ٶكٸلدەرٸنە بەرگەن سۇحباتىندا.
«اتامەكەن» باسشىسى وتاندىق بيزنەس سانكتسييا تٷسپەۋ ٷشٸن تٷرلٸ فورماتتاعى كەزدەسۋلەر ٶتكٸزٸپ, تٷسٸندٸرۋ جۇمىستارى جٷرگٸزٸلٸپ جاتقانىن اتاپ ٶتتٸ. ونىڭ پايىمىنشا, كەيبٸر كومپانييالار اقپاراتتىڭ جوقتىعىنان دا سانكتسييا قاتەرٸنە ۇشىراۋى مٷمكٸن.
«سانكتسيياعا كٶبٸنە قىرعىز كومپانييالارى تاپ بولدى. بٸزدٸكٸلەر دە بار, بٸراق از. سانكتسييا قاۋپٸ بار, ونى جوققا شىعارمايمىز, ونداي بولادى. ۇلتتىق پالاتا بٸر جاعىنان, ٷكٸمەت ەكٸنشٸ جاعىنان وسى باعىتتا جۇمىس ٸستەپ جاتىرمىز. ونداي قاتەردٸ جويۋىمىز كەرەك. بۇل تۇرعىدا ەلشٸلٸكتەرمەن دە بەلسەندٸ جۇمىس ٸستەپ جاتىرمىز», - دەدٸ ۇلتتىق پالاتا باسشىسى.
