«Qairat» komandasynyń ardageri, Qazaqstan fýtbolynyń ańyz tulǵasy Timýr Sanjaruly Segizbaev 77 jasqa qaraǵan shaǵynda qaitys boldy, dep habarlaidy "Ult aqparat".
Qaraly habar fýtbol klýbynyń Instagramdaǵy paraqshasynda jariialandy.
«Almatylyq Qairat komandasynyń akademiialarynyń birine Timýr Segizbaevtyń aty berilgenin barlyǵymyz bilemiz. «Qairat» klýby aty ańyzǵa ainalǵan fýtbolshynyń otbasyna qaiǵysyna ortaqtasyp, kóńil aitady. Timýr Segizbaev bizdiń júregimizde máńgilikke saqtalady», - dedi paraqshasynda.
T.Segizbaev «Qairat» quramynda 12 maýsymdy ótkizgen. 200 astam match oinaǵan.
1964 jyly Keńes odaǵy chempionatynda máskeýlik Spartaktyń qaqpasyna eki ret gol salyp, kópshiliktiń esinde qaldy.
KSRO sport sheberi, Qazaq KSR eńbegi sińgen jattyqtyrýshysy, QR Olimpiada Ulttyq komiteti Ordeni iegeri Timýr Segizbaev 1973, 1986 jyldary «Qairat» komandasynyń jattyqtyrýshysy bolǵan.
