«قايرات» كومانداسىنىڭ ارداگەرٸ, قازاقستان فۋتبولىنىڭ اڭىز تۇلعاسى تيمۋر سانجارۇلى سەگٸزباەۆ 77 جاسقا قاراعان شاعىندا قايتىس بولدى, دەپ حابارلايدى "ۇلت اقپارات".
قارالى حابار فۋتبول كلۋبىنىڭ ينستاگرامداعى پاراقشاسىندا جارييالاندى.
«الماتىلىق قايرات كومانداسىنىڭ اكادەمييالارىنىڭ بٸرٸنە تيمۋر سەگٸزباەۆتىڭ اتى بەرٸلگەنٸن بارلىعىمىز بٸلەمٸز. «قايرات» كلۋبى اتى اڭىزعا اينالعان فۋتبولشىنىڭ وتباسىنا قايعىسىنا ورتاقتاسىپ, كٶڭٸل ايتادى. تيمۋر سەگٸزباەۆ بٸزدٸڭ جٷرەگٸمٸزدە مەڭگٸلٸككە ساقتالادى», - دەدٸ پاراقشاسىندا.
ت.سەگٸزباەۆ «قايرات» قۇرامىندا 12 ماۋسىمدى ٶتكٸزگەن. 200 استام ماتچ ويناعان.
1964 جىلى كەڭەس وداعى چەمپيوناتىندا مەسكەۋلٸك سپارتاكتىڭ قاقپاسىنا ەكٸ رەت گول سالىپ, كٶپشٸلٸكتٸڭ ەسٸندە قالدى.
كسرو سپورت شەبەرٸ, قازاق كسر ەڭبەگٸ سٸڭگەن جاتتىقتىرۋشىسى, قر وليمپيادا ۇلتتىق كوميتەتٸ وردەنٸ يەگەرٸ تيمۋر سەگٸزباەۆ 1973, 1986 جىلدارى «قايرات» كومانداسىنىڭ جاتتىقتىرۋشىسى بولعان.
