"Qazaqstannyń azamattyq aliansy" ZTB prezidenti Asylbek Qojahmetov Prezident qatysýymen ótken Ulttyq keńes otyrysynda kóterilgen máselelerge qatysty óz pikirin bildirdi.
Búgingi jiyn barysynda kóp másele talqylandy. Men óz basym toǵyz máseleni kóterdim. Olardyń ishinde Prezident tórteýin qoldady. Bilim salasyn tolyǵymen qarastyrdyq dep aita alamyn. Mektep, JOO, kolledjderdegi bilim salasy qandai, máseleler bar ma, sonyń barlyǵy derlik búgin ashyq talqylandy. Men eń aldymen JOO arasyndaǵy básekelestik máselesin kóterdim. Jekemenshik jáne ulttyq ýniversitet degen uǵymdar bolmaýy kerek dep esepteimin, - dedi ol.
Sonymen qatar, Ulttyq keńes otyrysynda aýyldyq jaqtardaǵy túlekterdiń UBT tapsyra almaǵannyn kesirinen JOO-na túse almai júrgenderi talqylanǵan.
Biraq olardyń eshqandai kinási joq. Oǵan kóp sebepter bar. Muǵalimniń joqtyǵy, sabaqqa nemquraily qaraityn aýyldyq jerler bar. Aýyldan kelgen balalarǵa eshqandai básekelessiz grant berý berý kerek, - dedi Asylbek Qojahmetov.
Asylbek Qojahmetov jeńildetilgen nesieler týraly sóz qozǵaǵan.
Qazir 15-20%-dyq kommertsiialyq nesieler bar. Ony kim alady? Ol kimge paida ákeledi? Osy oraida Prezident arnaiy júie jasaý kerektigin aitty. 3-4%-dyq nesieler bolsa, kez-kelgen adam alady. Ol ne úshin qajet degen saýal týyndaýy múmkin. Qazir kóp túlekter grant bar jerge ǵana barady. Al osy nesie arqyly kez-kelgen túlek ózi qalaǵan mamandyǵyn tańdap oqi beredi. 10-15 jyldan keiin qaitaryp beredi, - dedi ol.
Sonymen qatar, jyn barysynda basqarý máselesi de kóterilgen.
Basqarýdy kez-kelgen deńgeide jetildirgen durys. Qandai mekemeniń basshysy bolmasyn qyzmetin bastar aldynda basqarý júiesi týraly oqýdan ótý kerek dep oilaimyn, - dedi óz sózinde ulttyq keńeske qatysýshy Asylbek Qojahmetov.
Meńsulý ELAMANQYZY,
