"قازاقستاننىڭ ازاماتتىق اليانسى" زتب پرەزيدەنتٸ اسىلبەك قوجاحمەتوۆ پرەزيدەنت قاتىسۋىمەن ٶتكەن ۇلتتىق كەڭەس وتىرىسىندا كٶتەرٸلگەن مەسەلەلەرگە قاتىستى ٶز پٸكٸرٸن بٸلدٸردٸ.
بٷگٸنگٸ جيىن بارىسىندا كٶپ مەسەلە تالقىلاندى. مەن ٶز باسىم توعىز مەسەلەنٸ كٶتەردٸم. ولاردىڭ ٸشٸندە پرەزيدەنت تٶرتەۋٸن قولدادى. بٸلٸم سالاسىن تولىعىمەن قاراستىردىق دەپ ايتا الامىن. مەكتەپ, جوو, كوللەدجدەردەگٸ بٸلٸم سالاسى قانداي, مەسەلەلەر بار ما, سونىڭ بارلىعى دەرلٸك بٷگٸن اشىق تالقىلاندى. مەن ەڭ الدىمەن جوو اراسىنداعى بەسەكەلەستٸك مەسەلەسٸن كٶتەردٸم. جەكەمەنشٸك جەنە ۇلتتىق ۋنيۆەرسيتەت دەگەن ۇعىمدار بولماۋى كەرەك دەپ ەسەپتەيمٸن, - دەدٸ ول.
سونىمەن قاتار, ۇلتتىق كەڭەس وتىرىسىندا اۋىلدىق جاقتارداعى تٷلەكتەردٸڭ ۇبت تاپسىرا الماعاننىن كەسٸرٸنەن جوو-نا تٷسە الماي جٷرگەندەرٸ تالقىلانعان.
بٸراق ولاردىڭ ەشقانداي كٸنەسٸ جوق. وعان كٶپ سەبەپتەر بار. مۇعالٸمنٸڭ جوقتىعى, ساباققا نەمقۇرايلى قارايتىن اۋىلدىق جەرلەر بار. اۋىلدان كەلگەن بالالارعا ەشقانداي بەسەكەلەسسٸز گرانت بەرۋ بەرۋ كەرەك, - دەدٸ اسىلبەك قوجاحمەتوۆ.
اسىلبەك قوجاحمەتوۆ جەڭٸلدەتٸلگەن نەسيەلەر تۋرالى سٶز قوزعاعان.
قازٸر 15-20%-دىق كوممەرتسييالىق نەسيەلەر بار. ونى كٸم الادى? ول كٸمگە پايدا ەكەلەدٸ? وسى ورايدا پرەزيدەنت ارنايى جٷيە جاساۋ كەرەكتٸگٸن ايتتى. 3-4%-دىق نەسيەلەر بولسا, كەز-كەلگەن ادام الادى. ول نە ٷشٸن قاجەت دەگەن ساۋال تۋىنداۋى مٷمكٸن. قازٸر كٶپ تٷلەكتەر گرانت بار جەرگە عانا بارادى. ال وسى نەسيە ارقىلى كەز-كەلگەن تٷلەك ٶزٸ قالاعان ماماندىعىن تاڭداپ وقي بەرەدٸ. 10-15 جىلدان كەيٸن قايتارىپ بەرەدٸ, - دەدٸ ول.
سونىمەن قاتار, جىن بارىسىندا باسقارۋ مەسەلەسٸ دە كٶتەرٸلگەن.
باسقارۋدى كەز-كەلگەن دەڭگەيدە جەتٸلدٸرگەن دۇرىس. قانداي مەكەمەنٸڭ باسشىسى بولماسىن قىزمەتٸن باستار الدىندا باسقارۋ جٷيەسٸ تۋرالى وقۋدان ٶتۋ كەرەك دەپ ويلايمىن, - دەدٸ ٶز سٶزٸندە ۇلتتىق كەڭەسكە قاتىسۋشى اسىلبەك قوجاحمەتوۆ.
مەڭسۇلۋ ەلامانقىزى,
