Astana ákimdiginde órt saldarynan zardap shekken otbasy týraly málimet jariialandy, dep habarlaidy QazAqparat.
«Órt saldarynan kóz jumǵan balalardyń anasy plastikalyq karta shyǵaratyn zaýytta, al ákesi kólik jóndeý ortalyǵynda qyzmet etedi. Qaiǵyly oqiǵa kezinde ekeýi de túngi aýysymda jumysta bolǵan», - dep naqtylady elorda ákimdiginiń baspasóz hatshysy Elvira Júrgenbaeva.
Belgili bolǵandai, balalardyń ákesi 1984 jyly, anasy 1986 jyly dúniege kelgen. «Eki bala mektepte tórtinshi jáne altynshy synypta oqyp júrdi. 2014 jylǵy úshinshi bala ótken jyldan bastap memlekettik balabaqshaǵa ornalastyrylǵan. 2016 jylǵy balaǵa biyl balabaqshaǵa joldama berilýi tiis edi», - dedi J. Júrgenbaeva.
Eske sala keteiik, 4 aqpan kúni túninde elordanyń Saryarqa aýdanyndaǵy Kóktal-1 turǵyn alabynda órt shyqty. Órtti sóndirý barysynda 2006, 2008, 2014, 2016, 2018 jyly dúniege kelgen 5 balanyń denesi tabyldy. Eń kishisi nebári úsh ailyq sábi edi.
Sonymen qatar, búgin Astana ákimi Baqyt Sultanov bes balanyń órtten kóz jumýynyń sebep-saldaryn anyqtaýdy talap etti.
Órt saldarynan zardap shekken bul otbasy baspana kezeginde turmaǵan.
