Búgin Aqparat jáne qoǵamdyq damý ministri Aida Balaeva Memleket basshysy atynan belsendi volonterler, metsenattar, blogerler men jýrnalisterdi pandemiiamen kúreste qosqan úlesteri úshin «Halyq alǵysy» medalimen marapattady, dep habarlaidy "Ult aqparat".
Aida Balaeva «Birgemiz» respýblikalyq aktsiiasy aiasynda COVID-19 taralýyna qarsy is-sharalarǵa qatysqan azamattardyń úlesin atap ótip, el ómirindegi qiyn-qystaý kezeńde úzdikter qatarynan tabylǵandary úshin alǵys bildirdi.
«Syn saǵattarda qiyndyqqa moiynsunbai, ózderińizdiń azamattyq ustanymdaryńyzdy kórsetý arqyly, ultjandylyq tanyta bilgen Sizder elimizdiń maqtanyshysyzdar. Prezident qaiyrymdylyq jáne volonterlik uiymdary ókilderimen ótken onlain kezdesýde volonterlik qozǵalystyń jalpy ulttyq masshtabqa ie bolyp, azamattardyń kómek qolyn sozýǵa degen belsendi ustanymy áleýmettik normaǵa ainalyp bara jatqanyn atap ótti»,-dedi A.Balaeva.
«Halyq alǵysy» medalimen marapattalǵan jýrnalist jáne telejúrgizýshi Dinara Sátjan: «Maǵan keiinnen bireý alǵys aitady dep oilamadym. Ol ýaqytta tek adamdarǵa qalai kómek bersek degen oi ǵana boldy», - dedi.
Sondai-aq Qazaqstan musylmandary dini basqarmasynyń ortalyq apparatynyń basshysy Ǵylymbek Májiev pandemiianyń taralýymen kúres kezinde din qyzmetkerleriniń mańyzdy rólin atap ótip, memleket tarapynan kórsetilgen qoldaý úshin rizashylyǵyn bildirdi.
Aita keteiik, QR Prezidentiniń 2020 jylǵy 14 qyrkúiektegi Jarlyǵymen bilim, densaýlyq saqtaý, áleýmettik qorǵaý salalarynda jemisti eńbek etip júrgen, sondai-aq koronavirýs pandemiiasymen kúreste erekshe kózge túsken 5 myńnan astam azamat «Halyq alǵysy» medalimen marapattaldy.
2020 jylǵy 30 qyrkúiekte qaiyrymdylyq jáne volonterlik uiymdary ókilderimen ótken onlain kezdesýde Prezident respýblika kóleminde marapattardy óz ielerine tabystaýdy tapsyrdy.
Búgingi sharada medaldar D.Abdinge, A.Agibaevaǵa, B.Bekkojinaǵa, M.Bektazinovke, A.Vlasenkoǵa, A.Gazalievke, A.Gaisinaǵa, A.Gorbachevaǵa, G.Majievke, D.Satjanǵa, R.Tidege, Z.Shalabaevaǵa, M.Bazarbaevqa, E.Kochetovke, A.Shagalakovqa tabys etildi.
