بٷگٸن اقپارات جەنە قوعامدىق دامۋ مينيسترٸ ايدا بالاەۆا مەملەكەت باسشىسى اتىنان بەلسەندٸ ۆولونتەرلەر, مەتسەناتتار, بلوگەرلەر مەن جۋرناليستەردٸ پاندەمييامەن كٷرەستە قوسقان ٷلەستەرٸ ٷشٸن «حالىق العىسى» مەدالٸمەن ماراپاتتادى, دەپ حابارلايدى "ۇلت اقپارات".
ايدا بالاەۆا «Birgemiz» رەسپۋبليكالىق اكتسيياسى اياسىندا COVID-19 تارالۋىنا قارسى ٸس-شارالارعا قاتىسقان ازاماتتاردىڭ ٷلەسٸن اتاپ ٶتٸپ, ەل ٶمٸرٸندەگٸ قيىن-قىستاۋ كەزەڭدە ٷزدٸكتەر قاتارىنان تابىلعاندارى ٷشٸن العىس بٸلدٸردٸ.
«سىن ساعاتتاردا قيىندىققا مويىنسۇنباي, ٶزدەرٸڭٸزدٸڭ ازاماتتىق ۇستانىمدارىڭىزدى كٶرسەتۋ ارقىلى, ۇلتجاندىلىق تانىتا بٸلگەن سٸزدەر ەلٸمٸزدٸڭ ماقتانىشىسىزدار. پرەزيدەنت قايىرىمدىلىق جەنە ۆولونتەرلٸك ۇيىمدارى ٶكٸلدەرٸمەن ٶتكەن ونلاين كەزدەسۋدە ۆولونتەرلٸك قوزعالىستىڭ جالپى ۇلتتىق ماسشتابقا يە بولىپ, ازاماتتاردىڭ كٶمەك قولىن سوزۋعا دەگەن بەلسەندٸ ۇستانىمى ەلەۋمەتتٸك نورماعا اينالىپ بارا جاتقانىن اتاپ ٶتتٸ»,-دەدٸ ا.بالاەۆا.
«حالىق العىسى» مەدالٸمەن ماراپاتتالعان جۋرناليست جەنە تەلەجٷرگٸزۋشٸ دينارا سەتجان: «ماعان كەيٸننەن بٸرەۋ العىس ايتادى دەپ ويلامادىم. ول ۋاقىتتا تەك ادامدارعا قالاي كٶمەك بەرسەك دەگەن وي عانا بولدى», - دەدٸ.
سونداي-اق قازاقستان مۇسىلماندارى دٸني باسقارماسىنىڭ ورتالىق اپپاراتىنىڭ باسشىسى عىلىمبەك مەجيەۆ پاندەمييانىڭ تارالۋىمەن كٷرەس كەزٸندە دٸن قىزمەتكەرلەرٸنٸڭ ماڭىزدى رٶلٸن اتاپ ٶتٸپ, مەملەكەت تاراپىنان كٶرسەتٸلگەن قولداۋ ٷشٸن ريزاشىلىعىن بٸلدٸردٸ.
ايتا كەتەيٸك, قر پرەزيدەنتٸنٸڭ 2020 جىلعى 14 قىركٷيەكتەگٸ جارلىعىمەن بٸلٸم, دەنساۋلىق ساقتاۋ, ەلەۋمەتتٸك قورعاۋ سالالارىندا جەمٸستٸ ەڭبەك ەتٸپ جٷرگەن, سونداي-اق كوروناۆيرۋس پاندەميياسىمەن كٷرەستە ەرەكشە كٶزگە تٷسكەن 5 مىڭنان استام ازامات «حالىق العىسى» مەدالٸمەن ماراپاتتالدى.
2020 جىلعى 30 قىركٷيەكتە قايىرىمدىلىق جەنە ۆولونتەرلٸك ۇيىمدارى ٶكٸلدەرٸمەن ٶتكەن ونلاين كەزدەسۋدە پرەزيدەنت رەسپۋبليكا كٶلەمٸندە ماراپاتتاردى ٶز يەلەرٸنە تابىستاۋدى تاپسىردى.
بٷگٸنگٸ شارادا مەدالدار د.ابدينگە, ا.اگيباەۆاعا, ب.بەككوجيناعا, م.بەكتازينوۆكە, ا.ۆلاسەنكوعا, ا.گازاليەۆكە, ا.گايسيناعا, ا.گورباچەۆاعا, گ.ماجيەۆكە, د.ساتجانعا, ر.تيدەگە, ز.شالاباەۆاعا, م.بازارباەۆقا, ە.كوچەتوۆكە, ا.شاگالاكوۆقا تابىس ەتٸلدٸ.
