Foto: QR MAM
Qalibek Qýanyshbaev atyndaǵy Qazaq ulttyq mýzykalyq-drama teatry álem klassikasynyń eń tanymal shyǵarmalarynyń biri – Ýiliam Shekspirdiń «Romeo & Juliet» pesasyn jańasha sahnalady, dep habarlaidy Ult.kz.
Bul qoiylymdy jańa kórkemdik kózqaras pen tyń format erekshe etedi. Spektaklde teatr men kinematografiianyń kórkemdik múmkindikteri úilesip, sinema-epos janrynda usynyldy.
Pesany qazaq tiline tárjimalaǵan – qazaq ádebietiniń kórnekti qalamgeri Ábish Kekilbaev.
«Romeo & Juliet» qoiylymy kórkem sintezdiń jarqyn mysalyna ainaldy. Sinema-epos kinematografiianyń keń múmkindikteri men teatrdyń shynaiy bolmysyn biriktire otyryp, kórermenge erekshe áser syilady.
Spektakldi sahnalaý úshin elordaǵa Reseidiń teatr jáne kino rejisseri Ulanbek Baialiev arnaiy shaqyryldy. Klassikalyq dramatýrgiiaǵa batyl kózqarasy men zamanaýi sheshimderi arqyly tanymal rejisser bul joly da shyǵarmashylyq jańashyldyǵymen kózge tústi. Qoiylymnyń stsenografiiasyn jasaǵan – Qanat Maqsutov. Kórermen nazaryn teatr men JADO sán úiiniń birlesken jumysy nátijesinde jasalǵan áserli kostiýmder aýdartty. Premera áýenin Oljas Dálelhan jetekshilik etetin teatrdyń Theatre Avenue bendi súiemeldedi.
