Akter Abai Asylhan burynǵy jubaiy, aktrisa Janel Maqajannyń málimdemesinen keiin áleýmettik jelide jazba jariialap, otbasylyq jaǵdaiyna qatysty pikir bildirdi, dep habarlaidy ult.kz.

Buǵan deiin Janel Maqajan burynǵy kúieýiniń úsh aidan astam ýaqyt boiy qyzdaryna materialdyq jáne moraldyq qoldaý kórsetpegenin aitqan edi. Aktrisanyń sózinshe, ajyrasý kezinde Abai Asylhan balalardyń kútýshisine, balabaqshasyna, tamaǵyna, kiimine jáne ózge de qajettilikterine jumsalatyn shyǵyndardy óteýge ýáde bergen.

Alaida Abai Asylhan áleýmettik jelide taraǵan aqparattyń keibir tustary shyndyqqa janaspaitynyn málimdedi.

Akterdiń aitýynsha, Janel ekeýi bes jyl otasqan. Al nekeni toqtatý týraly sheshimdi ekeýi aqyldasa otyryp qabyldaǵan. Ol ajyrasýlaryna úshinshi adamnyń qatysy bolmaǵanyn da atap ótti.

Sonymen qatar óner iesi otbasyndaǵy kelispeýshilikterdi kópshilik aldynda talqylaýdy durys dep sanamaitynyn jetkizdi. Onyń sózinshe, ajyrasýǵa bailanysty quqyqtyq máseleler zań aiasynda sheshilip jatyr.

Abai Asylhan balalarynyń aldyndaǵy ákelik mindetin oryndaýdy jalǵastyratynyn aityp, burynǵy jubaiyna degen qurmetin saqtaitynyn bildirdi.

“Ol – balalarymyzdyń anasy, sondyqtan ózara qurmetti saqtaýdy mańyzdy dep sanaimyn”, – dep jazdy akter.

Aita keteiik, Janel Maqajan burynǵy kúieýine qatysty málimdeme jasady. 

Janel Maqajan kim?

Janel Maqajan – qazaqstandyq teatr jáne kino aktrisasy, telehikaialar men kórkem filmder arqyly tanylǵan óner iesi. Ol 1987 jyly 27 naýryzda Almaty qalasynda dúniege kelgen. Ákesi Timýr Maqajanov – akter ári rejisser, al anasy Bekzada Ábilhaiyrova teatr salasynda qyzmet etken. Ónerli otbasynda ósken Janel bala kezinen sahnaǵa jaqyn boldy. 2009 jyly Temirbek Júrgenov atyndaǵy Qazaq ulttyq óner akademiiasyn “Drama teatry jáne kino aktrisasy” mamandyǵy boiynsha támamdaǵan. Eńbek jolyn Ǵabit Músirepov atyndaǵy Qazaq memlekettik akademiialyq balalar men jasóspirimder teatrynda bastaǵan. 2015 jyly Muhtar Áýezov atyndaǵy Qazaq ulttyq drama teatrynyń akterlik quramyna qabyldandy. Teatr sahnasynda “Qyz Jibek”, “Lir patsha”, “Almas qylysh” jáne basqa da qoiylymdarda túrli keiipkerlerdi somdaǵan.

Aktrisa kino salasynda da ózindik qoltańbasyn qalyptastyrǵan. Ol “Qosh bol, Gúlsary!”, “Toqal”, “Balýan Sholaq”, “Aýyldan qashý”, “Alaiaqtar”, “Kórshi” jáne “Ómirden keiin” jobalaryna túsken. Sondai-aq “Juldyzdar toǵysqanda” filminde Nursultan Nazarbaevtyń anasy Áljannyń beinesin somdaǵan.

Jeke ómirine kelsek, Janel Maqajan 2021 jyly akter ári júrgizýshi Abai Asylhanmen otbasyn qurǵan. Aktrisanyń alǵashqy nekesinen eki balasy bar. 2025 jyldyń jeltoqsanynda ol tórtinshi sábiin dúniege ákelgenin habarlaǵan. Keiin erli-zaiyptylardyń ajyrasqany belgili boldy. 2026 jyldyń qyrkúieginde Janel Maqajan burynǵy kúieýiniń balalaryna qoldaý kórsetpei júrgenin málimdedi.