Astanada 2026 jylǵy 29 shildede halyqaralyq mýltisporttyq «Bolashaq oiyndary – 2026» týrniriniń ashylýymen qatar Qazaqstan Respýblikasy Ulttyq mýzeiinde «Afinadan Astanaǵa deiin. Vladimir Potanin kollektsiiasyndaǵy Olimpiada jádigerleri» atty kórme óz jumysyn bastaidy, dep habarlaidy ult.kz.
Kórme qazirgi zamanǵy alǵashqy Olimpiada oiyndarynyń 130 jyldyǵyna arnalyp uiymdastyrylyp otyr. Ekspozitsiia fidjital sport boiynsha halyqaralyq týrnirdiń mádeni baǵdarlamasynyń mańyzdy bóligine ainalmaq.
Resei men Qazaqstannyń álemdik olimpiadalyq qozǵalystyń damýyna qosqan úlesine arnalǵan kórmede Vladimir Potaninniń jeke kollektsiiasynan alynǵan 141 túpnusqa jádiger usynylady. Olardyń qatarynda 1896 jyly Afinada ótken alǵashqy Olimpiada oiyndarynan berilgen marapat jáne estelik medaldar, olimpiadalyq alaýlar, diplomdar jáne ózge de tarihi qundylyqtar bar.
Sondai-aq kelýshiler Qazaqstan Respýblikasy Ulttyq mýzeiiniń qorlarynan alynǵan áigili sportshylardyń jeke sporttyq jabdyqtaryn tamashalai alady.
Kórmeniń arnaiy bólimi Qazaqstannyń olimpiadalyq chempiondary men júldegerlerine arnalady. Munda Vladimir Smirnov, Bekzat Sattarhanov, Baqtiiar Artaev, Serik Sápiev, Aleksandr Vinokýrov, Denis Ten, Olga Rypakova, Gennadii Golovkin jáne Eldos Smetov sekildi sport sańlaqtarynyń ómiri men jetistikterine qatysty fotosýretter men jádigerler qoiylady.
Ekspozitsiianyń tsifrlyq bóliginde kelýshilerdi zamanaýi tehnologiialar kútip tur. Neirojelilik sheshimderdiń kómegimen tsifrlandyrylǵan olimpiadalyq diplomdardaǵy ejelgi grek qudailary men sportshylardyń beineleri «jandanyp», erekshe interaktivti áser syilaidy.
Vladimir Potaninniń olimpiadalyq kollektsiiasy buǵan deiin Máskeý, Sochi, Beijiń, Minsk, Qazan jáne Sankt-Peterbýrg qalalarynda kópshilik nazaryna usynylǵan. Endi bul joba Astanada jalǵasyn tappaq.
Kórme uiymdastyrýshylarynyń aitýynsha, ekspozitsiianyń «Bolashaq oiyndary – 2026» týrniriniń bastalý kúnimen tuspa-tus ashylýy olimpiadalyq qundylyqtardyń jańa tsifrlyq dáýirdegi sportshylar býynyna sabaqtastyǵyn bildiredi.
