استانادا 2026 جىلعى 29 شٸلدەدە حالىقارالىق مۋلتيسپورتتىق «بولاشاق ويىندارى – 2026» تۋرنيرٸنٸڭ اشىلۋىمەن قاتار قازاقستان رەسپۋبليكاسى ۇلتتىق مۋزەيٸندە «افينادان استاناعا دەيٸن. ۆلاديمير پوتانين كوللەكتسيياسىنداعى وليمپيادا جەدٸگەرلەرٸ» اتتى كٶرمە ٶز جۇمىسىن باستايدى, دەپ حابارلايدى ult.kz.
كٶرمە قازٸرگٸ زامانعى العاشقى وليمپيادا ويىندارىنىڭ 130 جىلدىعىنا ارنالىپ ۇيىمداستىرىلىپ وتىر. ەكسپوزيتسييا فيدجيتال سپورت بويىنشا حالىقارالىق تۋرنيردٸڭ مەدەني باعدارلاماسىنىڭ ماڭىزدى بٶلٸگٸنە اينالماق.
رەسەي مەن قازاقستاننىڭ ەلەمدٸك وليمپيادالىق قوزعالىستىڭ دامۋىنا قوسقان ٷلەسٸنە ارنالعان كٶرمەدە ۆلاديمير پوتانيننٸڭ جەكە كوللەكتسيياسىنان الىنعان 141 تٷپنۇسقا جەدٸگەر ۇسىنىلادى. ولاردىڭ قاتارىندا 1896 جىلى افينادا ٶتكەن العاشقى وليمپيادا ويىندارىنان بەرٸلگەن ماراپات جەنە ەستەلٸك مەدالدار, وليمپيادالىق الاۋلار, ديپلومدار جەنە ٶزگە دە تاريحي قۇندىلىقتار بار.
سونداي-اق كەلۋشٸلەر قازاقستان رەسپۋبليكاسى ۇلتتىق مۋزەيٸنٸڭ قورلارىنان الىنعان ەيگٸلٸ سپورتشىلاردىڭ جەكە سپورتتىق جابدىقتارىن تاماشالاي الادى.
كٶرمەنٸڭ ارنايى بٶلٸمٸ قازاقستاننىڭ وليمپيادالىق چەمپيوندارى مەن جٷلدەگەرلەرٸنە ارنالادى. مۇندا ۆلاديمير سميرنوۆ, بەكزات ساتتارحانوۆ, باقتييار ارتاەۆ, سەرٸك سەپيەۆ, الەكساندر ۆينوكۋروۆ, دەنيس تەن, ولگا رىپاكوۆا, گەنناديي گولوۆكين جەنە ەلدوس سمەتوۆ سەكٸلدٸ سپورت ساڭلاقتارىنىڭ ٶمٸرٸ مەن جەتٸستٸكتەرٸنە قاتىستى فوتوسۋرەتتەر مەن جەدٸگەرلەر قويىلادى.
ەكسپوزيتسييانىڭ تسيفرلىق بٶلٸگٸندە كەلۋشٸلەردٸ زاماناۋي تەحنولوگييالار كٷتٸپ تۇر. نەيروجەلٸلٸك شەشٸمدەردٸڭ كٶمەگٸمەن تسيفرلاندىرىلعان وليمپيادالىق ديپلومدارداعى ەجەلگٸ گرەك قۇدايلارى مەن سپورتشىلاردىڭ بەينەلەرٸ «جاندانىپ», ەرەكشە ينتەراكتيۆتٸ ەسەر سىيلايدى.
ۆلاديمير پوتانيننٸڭ وليمپيادالىق كوللەكتسيياسى بۇعان دەيٸن مەسكەۋ, سوچي, بەيجٸڭ, مينسك, قازان جەنە سانكت-پەتەربۋرگ قالالارىندا كٶپشٸلٸك نازارىنا ۇسىنىلعان. ەندٸ بۇل جوبا استانادا جالعاسىن تاپپاق.
كٶرمە ۇيىمداستىرۋشىلارىنىڭ ايتۋىنشا, ەكسپوزيتسييانىڭ «بولاشاق ويىندارى – 2026» تۋرنيرٸنٸڭ باستالۋ كٷنٸمەن تۇسپا-تۇس اشىلۋى وليمپيادالىق قۇندىلىقتاردىڭ جاڭا تسيفرلىق دەۋٸردەگٸ سپورتشىلار بۋىنىنا ساباقتاستىعىن بٸلدٸرەدٸ.
