Foto: ashyq derekkóz
Astana qalasynda mas kúiinde kólik basqarǵan júrgizýshi politsiiaǵa ustaldy. Bul týraly Polisia.kz habarlady.
Oqiǵa jol qozǵalysy qaýipsizdigin qamtamasyz etýge baǵyttalǵan profilaktikalyq is-sharalar barysynda anyqtalǵan. Saǵat 11:30 shamasynda Beibitshilik kóshesi boiynda politsiia qyzmetkerleri Nissan Qashqai kóligin toqtatqan.
Tekserý kezinde júrgizýshiniń alkogoldik masań kúide bolǵany belgili boldy. Sonymen qatar, onyń buǵan deiin júrgizýshi kýáliginen aiyrylǵany anyqtalǵan.
Meditsinalyq saraptama qorytyndysy júrgizýshiniń jeńil dárejedegi alkogoldik masań kúide ekenin rastady.
Astana qalasy politsiia departamenti málimetinshe, azamat zań talaptaryn elemei, qaitadan rólge otyrǵan. Ol ýaqytsha ustaý izoliatoryna qamaldy.
Politsiia jol qozǵalysy erejelerin qatań saqtaýǵa shaqyryp, mas kúiinde kólik basqarý adam ómirine tikelei qaýip tóndiretin aýyr quqyq buzýshylyq ekenin eskertti.
