فوتو: اشىق دەرەككٶز
استانا قالاسىندا ماس كٷيٸندە كٶلٸك باسقارعان جٷرگٸزۋشٸ پوليتسيياعا ۇستالدى. بۇل تۋرالى Polisia.kz حابارلادى.
وقيعا جول قوزعالىسى قاۋٸپسٸزدٸگٸن قامتاماسىز ەتۋگە باعىتتالعان پروفيلاكتيكالىق ٸس-شارالار بارىسىندا انىقتالعان. ساعات 11:30 شاماسىندا بەيبٸتشٸلٸك كٶشەسٸ بويىندا پوليتسييا قىزمەتكەرلەرٸ Nissan Qashqai كٶلٸگٸن توقتاتقان.
تەكسەرۋ كەزٸندە جٷرگٸزۋشٸنٸڭ الكوگولدٸك ماساڭ كٷيدە بولعانى بەلگٸلٸ بولدى. سونىمەن قاتار, ونىڭ بۇعان دەيٸن جٷرگٸزۋشٸ كۋەلٸگٸنەن ايىرىلعانى انىقتالعان.
مەديتسينالىق ساراپتاما قورىتىندىسى جٷرگٸزۋشٸنٸڭ جەڭٸل دەرەجەدەگٸ الكوگولدٸك ماساڭ كٷيدە ەكەنٸن راستادى.
استانا قالاسى پوليتسييا دەپارتامەنتٸ مەلٸمەتٸنشە, ازامات زاڭ تالاپتارىن ەلەمەي, قايتادان رٶلگە وتىرعان. ول ۋاقىتشا ۇستاۋ يزولياتورىنا قامالدى.
پوليتسييا جول قوزعالىسى ەرەجەلەرٸن قاتاڭ ساقتاۋعا شاقىرىپ, ماس كٷيٸندە كٶلٸك باسقارۋ ادام ٶمٸرٸنە تٸكەلەي قاۋٸپ تٶندٸرەتٸن اۋىر قۇقىق بۇزۋشىلىق ەكەنٸن ەسكەرتتٸ.
