Astanada «Lazýrnyi kvartal» turǵyn úi keshenindegi páterlerdiń birinen órt shyqty. Páter ishinde balalar bolǵan, dep habarlaidy QazAqparat tilshisi QR IIM Tótenshe jaǵdailar komitetine silteme jasap.
«Búgin, saǵat 10:41-de Saraishyq kóshesindegi 14 páterli «Lazýrnyi kvartal» turǵyn úi kesheniniń 10-qabatynan órt shyqqany týraly habarlama tústi. Páterdiń jatyn bólmesinde kiim-keshek órtengen», - dep habarlady QR IIM TJ komitetiniń resmi ókili Rýslan Imanqulov.
Onyń aitýynsha, jalynnyń taralýy jarty saǵatta toqtatylyp, taǵy 6 minýttan keiin ol tolyǵymen sóndirildi. Osynyń arqasynda páterde bolǵan eki bala qutqaryldy.
Órt aýmaǵy 18 sharshy metrdi qurady. Tilsiz jaýdy aýyzdyqtaýǵa elordalyq órt sóndirý qyzmetiniń 16 adamy men 4 tehnikasy jumyldyryldy.
Zardap shekkender joq.
