استانادا «لازۋرنىي كۆارتال» تۇرعىن ٷي كەشەنٸندەگٸ پەتەرلەردٸڭ بٸرٸنەن ٶرت شىقتى. پەتەر ٸشٸندە بالالار بولعان, دەپ حابارلايدى قازاقپارات تٸلشٸسٸ قر ٸٸم تٶتەنشە جاعدايلار كوميتەتٸنە سٸلتەمە جاساپ.
«بٷگٸن, ساعات 10:41-دە سارايشىق كٶشەسٸندەگٸ 14 پەتەرلٸ «لازۋرنىي كۆارتال» تۇرعىن ٷي كەشەنٸنٸڭ 10-قاباتىنان ٶرت شىققانى تۋرالى حابارلاما تٷستٸ. پەتەردٸڭ جاتىن بٶلمەسٸندە كيٸم-كەشەك ٶرتەنگەن», - دەپ حابارلادى قر ٸٸم تج كوميتەتٸنٸڭ رەسمي ٶكٸلٸ رۋسلان يمانقۇلوۆ.
ونىڭ ايتۋىنشا, جالىننىڭ تارالۋى جارتى ساعاتتا توقتاتىلىپ, تاعى 6 مينۋتتان كەيٸن ول تولىعىمەن سٶندٸرٸلدٸ. وسىنىڭ ارقاسىندا پەتەردە بولعان ەكٸ بالا قۇتقارىلدى.
ٶرت اۋماعى 18 شارشى مەتردٸ قۇرادى. تٸلسٸز جاۋدى اۋىزدىقتاۋعا ەلوردالىق ٶرت سٶندٸرۋ قىزمەتٸنٸڭ 16 ادامى مەن 4 تەحنيكاسى جۇمىلدىرىلدى.
زارداپ شەككەندەر جوق.
