14 naýryz, juma kúni Astanadaǵy EXPO kórme ortalyǵynda "Qytai kóktemde" atty jahandyq dialogy ótti, dep habarlaidy Ult.kz.
Qytai Ortalyq teleradio habarlaryn taratý korporatsiiasy (CCTV), Qytai Halyq Respýblikasynyń Qazaqstandaǵy elshiligi jáne basqa da mekemelerdiń uiymdastyrýymen ótken sharada túrli sala ókilderi Búkilqytailyq jinalys pen qytailyq jańǵyrtýdyń, Qytai men Qazaqstan arasyndaǵy yntymaqtastyqtyń eki sessiiasy taqyrybynda baiandamalar jasap, dialog júrgizdi.
Qytai Halyq Respýblikasynyń Qazaqstan Respýblikasyndaǵy tótenshe jáne ókiletti elshisi Han Chýnlin Astanada arnaiy ótip jatqan "Qytai kóktemde" atty jahandyq dialogyna qatysyp jatqanyna óte qýanyshty ekenin aityp, "Qytai Halyq Respýblikasynyń Qazaqstandaǵy elshiligi atynan búgingi sharany sátti ótkizip jatqanymyzben quttyqtaimyn!" -dedi.
Sonymen birge Han Chýnlin :
"Kóktem jańa bastamalardyń, jańashyldyqtyń bastaýyn bildiredi. Birneshe kún buryn Beijińde halyq ókilderiniń búkilqytailyq jinalysy aiaqtaldy. Eki sessiia konsensýsqa qol jetkizýge kómektesetin pikirtalas úshin mańyzdy jáne Qytaidyń áleýmettik-saiasi ómirinde eleýli oryn alatyn platforma. Bul jyl Qytaidyń ekonomikalyq damýynyń sońǵy 14-shi besjyldyǵy bolyp sanalady. Sondai-aq, 15-shi besjyldyqty josparlaý bastaldy. 14-shi besjyldyqtyń basynan QHR tóraǵasy Si Tszinpinniń jáne Qytaidyń Kommýnistik partiiasy Ortalyq kommitetiniń berik bastamasymen QHR-nyń áleýmettik-ekonomikalyq damýy sátti iske asyp jatyr. Qytai stilinde joǵary sapaly modernizatsiia júzege asyp, jańa jáne myqty qadamdar jasalýda", -dei kele elshi Qytai men Qazaqstannyń qarym qatynasyna erekshe toqtaldy.
"Sońǵy 33 jylda diplomatiialyq qarym qatynas ornatqannan beri bizdiń eki el basshylarynyń strategiialyq basqarýymen Qytai - Qazaqstan qatynasy qarqyndy damyp keledi jáne tarihi shyńyna jetip, máńgilik janjaqty strategiialyq seriktestik qurdy. Bul eki el halqyna kózge kórinerlik tiimdilik pen nátije berip otyr", -dedi Han Chýnlin.
Elshi óz sózinde Qazaqstan men Qytai arasyndaǵy strategiialyq qarym qatynas janjaqty dami túsetinine senetinin jetkizdi.
2025 jyl resmi túrde Qytaidyń Qazaqstandaǵy týrizm jyly bolyp jariialanǵanyn atap ótý kerek. Osy rette elshi bul ekijaqty qarym-qatynastardyń beriktigin nyǵaityp, yntymaqtastyqty odan ári damytýǵa jańa múmkindik beretinin jiyn qatysýshylary erekshe atap ótti.
Astana halyqaralyq ýniversitetiniń (AIU) direktory Serik Isaliev óz sózinde qytailyq áriptesterin saiasi mańyzdy eki sessiianyń ótýimen, al Qazaqstan halqyn "Kórisý" merekesimen quttyqtady. Sosyn óz sózin ol Qazaqstan men Qytai innovatsiiada, saiasatta, týrizm men mediada, joǵary bilim, sondai-aq zań salasynda seriktestikti nyǵaitýdy jalǵastyryp jatqanymen jalǵady.
"Bizdiń ekonomikalyq bailanysymyz qarqyndy damý ústinde. Saýda ainalymy rekordty 44 mlrd. dolarǵa jetip qaldy. Qazaqstan men Qytai arasyndaǵy temirjol jáne áýe tasymaly byltyr rekordty 32 mln. dollarǵa jetti. Al bilim berý salasyndaǵy seriktestikke keletin bolsaq, ýniversitet retinde bizge bilim berýdegi ekijaqty seriktestik erekshe mańyzǵa ie. Qytai ýniverstitetterinde birneshe myń Qazaqstan stýdenti oqyp jatyr. Biz áli pandemiiaǵa deiingi 11-14 myńdyq deńgeige jete qoiǵan joqpyz, biraq Qytaidaǵy bizdiń stýdentterdiń sany artyp keledi. Al Qazaqstan oqý oryndary biyl myńnan artyq stýdentti qabyldady. Bul almasý tek akademiialyq bailanysty ǵana nyǵaityp qoimaidy, sondai-aq bizdiń elderdiń mádeni bailanysy jaqyndai túsýine septigin tigizedi" , -deidi ýniversitet direktory.
Parlament Májilisi depýtaty Erkin Ábildiń aitýynsha Qazaqstan men Qytai Halyq Respýblikasyn uzaq ǵasyrdan beri kele jatqan tarihi-mádeni, ekonomikalyq bailanystar biriktirip tur. Qazaqstan táýelsizdik alǵannan keiin bul bailanys jańa qarqyn, jańa baǵyt ala bastaǵan.
"Bizdiń elder qazirgi zamanda bolyp jatqan ózgeristerge birdei kózqarasta. Ózderińiz bilesizder, qazirgi tártiptiń negizgi qaǵidalaryna kúmán keltiretin týrbýlentti kezeńde Qazaqstan men Qytai óte qiyn pozitsiiada. Álemniń damý strategiiasy, bazalyq printsipterge qurylǵan halyqaralyq quqyq, bizde ortaq ekonomikalyq qyzyǵýshylyq bar, sonyń barlyǵy berik kórshiler dostyǵy men ózara tiimdi qarym qatynas qurady. Qazaqstan men Qytai qarym qatynasy qarqyndy damyp keledi. Bizdiń Parlamentaralyq qatynas ta jaqsy damyp keledi, Qytai men Qazaqstanda depýtattyq top bar. Parlament spikeri Erlan Qoshanov byltyr QHR-da issaparda boldy. Meniń oiymsha Qazaqstan men Qytai qatynasyndaǵy qazirgi dinamika bolashaqta tek qana nyǵaiyp, dami túsedi", -dedi depýtat.
Fotolar: Uiymdastyrýshylarda
