Astanada qonaqúi aýmaǵynda jasalǵan urlyq deregi boiynsha kúdikti áiel ustaldy. Bul týraly Polisia.kz habarlady.
Qalalyq politsiia departamentiniń Nura aýdandyq basqarmasyna qarasty kriminaldyq politsiia qyzmetkerleri jedel izdestirý sharalaryn júrgizip, kúdiktiniń jeke basyn anyqtap, ony qolǵa túsirdi.
Tergeý málimetinshe, áiel qonaqúidiń kireberisindegi resepshin aimaǵynda erkin qoljetimdilikti paidalanyp, aqshany jasyryn túrde iemdengen. Keltirilgen shyǵyn kólemi 156 myń teńgeni qurady.
Oqiǵa ornyna jetken jedel-tergeý toby beinebaqylaý jazbalaryn zerdelep, kýágerlerden jaýap alý arqyly kúdiktini anyqtaǵan.
Atalǵan derek boiynsha Qazaqstan Respýblikasy Qylmystyq kodeksiniń 188-baby negizinde sotqa deiingi tergeý amaldary júrgizilýde.
Politsiia azamattardy qoǵamdyq oryndarda jeke múlkine saq bolýǵa shaqyrady. Ásirese qonaqúilerde bólmeden shyqqanda esikti qulyptap, baǵaly zattardy qaraýsyz qaldyrmaý qajet. Sondai-aq qonaqúi ákimshilikterine qaýipsizdik sharalaryn kúsheitip, beinebaqylaý júiesin jetildirý usynyldy.
